اخوتي ارجو مساعدتكم

[norhane taha]

المشاركة الأصلية كتبت بواسطة soha1987

السلام عليكم اخوتي اعضاء المنتدى
عندي اخ كان ضابط سابق في جهاز الدرك وبسبب ضغوطات العمل والظلم لي تعرض اليه مرض نفسيا خرجوه من الخدمة المهم جرينا عليه حتى شفي ولمدة عامين يعني ضرك عندو عامين من رتاح لكن من مدة شهر تقريبا ولا لحالتو السابقة والله رانا في حزن عييييينا كيفاه نديرو معاه معرفناش السبب واخي اصبح كالمجنون يسب ويشتم ولا يحترم حتى ابي وامي يعني لكان هدرو معاه راح يقلب الدار ديما راقد لاياكل منطوي على نفسه والله ضعاف وتبدل امي مرضت خلاص
اخوتي هل تعرفون شخصا صراتلو هاك ورتاح ورجع عادي
ادعولو اخوتي ربي يشفيه ويرجع كيما كان يارب اخوكم بحاجة لدعائكم لاتبخلو عليه بالدعاء
سلام

والله يا ختيتي كنت نقرا في قصتك ونتفكر تشبه بذات قصة عمي

راهو في هادي حالة بضبط لكن حمد لله راهو يتحسن ومشكل عمي كبير في السن وتعرض لمشكل في رزقو يحب يخنق روحو ويضل يحكي وحدو كيما مجنون حتى ولادو تخلعو فيه


جابولو راقي تحسن شوية لكن قال برك عندو ضعف إيمان من بعد زادو داوه للطبيب نفسي مختص تان قال نفس شيء أعطالو شوية مهدئات وحمد لله وزاد بابا وعمامي كتر إهتمامهم به فهمتني رجعو يعاملوه كيما طفل صغير هذا كلو من مشاكل لي صراو بدا يحس روحو وحدو

لكن حمد لله
من أحسن ترقولو وتان تدوه للطبيب هو راح يعارض أكيد خاطاش يقوللكم أنا ماشي مهبول لكن أنتوما جربو متقولوش طبيب جيبوه للدار ولا قولو عرض عمل هذا إنسان راح يديرلك تاست باش يخدمك أي شيء متخلوهش هكذاك


ربي يقدم لي فيه الخير هو من ضغوط نفسية وتان حس روحو بلا قيمة يقعد يثبت روحو بأمور تانية

ربي يشفيه يارب وينورلو طريقو إن شاء الله