<<فتيات يتهرّبن من الأعمال المنزلية .. ^^ .. أدخلوا و شاركوا .. ++++++

[معاً إلى الله]

المشاركة الأصلية كتبت بواسطة سعاذ

السلام عليكم
1/هل تساعدين امك في اعمال المنزل ؟ ومنذ متى ؟
بطبع نعاون يما في شغل تاع الدار و ماشي غير انا كامل نعاونوها تقدري تقولي يما تخدم غير كي نكونو ماشي في الدار
بديت شغل و تعلمت طياب كي كنت نقرى سنة الرابعة ابتدائي
2/اذا كانت لديكم خادمة فهل تقوم هي بكل الاعمال في المنزل؟

اصلا هذي الفكرة مستحيلة
3/برايك كيف يمكن للأم ان تعود ابنتها على ممارسة اعمال المنزل دون وقوع تذمر؟
هي اصلا لازم طفلة تكون عندها الرغبة اولا باش تتعلم من جهة و باش تعاون امها من جهة
و ثاني لازم الام تمد شوية حرية لطفلة باش تتعلم مثلا اذا كانت طفلة حبا جرب طبخة جديدة تخليها تخدمها وحدها تعسها من عيد فقط ماشي تقلها مزلتي صغيرة ذوك متصلحلكش و من هذي لحوايج و من بعد تعلمها انها كي طيب لازم تغسل لماعن لي خدمت بيهم باش تكون خدمتها كاملة
4/الكثير من الفتيات يملكن مبرر الدراسة لعدم المساعدة في المنزل .فما رايك بهذا المبرر؟
هذا مرهوش مبرر خلاص وشريك حنيا لبنات كي نروحو من لقريا نقسمو على بعضنا شغل تاع الدار لي تغسل لماعن تغسل و لي طيب طيب و لي تخبز تخبز يعني كل حجا من هذو ميطلبوش ساعة وحدة و لا لتلفزيون عندها الوقت و لشغل تاع الدار معندهاش تقدري تقولي لازم ينظمو وقتهم برك
5/هل من الضروي ان تعمل الفتاة في منزل اهلها لتعتاد على العمل في منزل الزوج ام ليس ضروريا؟
شفيا طفلة دار باباها حقل تجارب جرب واش تحب ساعة تصلح ساعة متصلحش بصح في دار رجلها ممكن متلقاش ناس يقدرو يتحملو تجاربها الفاشلة كي ما دارهم
دمتم في رعاية الله و حفظه

و عليكم السلام و رحمة الله و بركاته ..
و الله يا أختي سعاااذ كلامك عين العقل ..
عندك الحق في كل ما تفضلتي به ..
و لي تعرف صلاحها تتعلم في دار أبوها ..
وين يستروا عيوبها ..

ما عندي ما نضيف على تعليقك الجميل ..
راق لي حقااا ..

أحييك و أسأل الله لنا و لكِ التوفيق في كل الميادين ..
كوني بألف خير أختاه ..