<<فتيات يتهرّبن من الأعمال المنزلية .. ^^ .. أدخلوا و شاركوا .. ++++++

[معاً إلى الله]

المشاركة الأصلية كتبت بواسطة sondse1

انا اعرف فتاة كانت في سن ال15
هي فتاة كسولة نوعا ما
وهي قريبة لي من امي
عندما تحدثنا في هذا الموضوع
قلت لها وعلاش ما تعاوهمش و تولي كيما خواتاتك و بنات عمك "لانو خواتاتها و بنات عمها مشهورين بشطارتهم "
فقالت حتى انت يا سندس راكي تقولي هكذا
وانا بطبعي فضولية جدا سالتها وعلاه شكون اللي قاتلك هكذا
قاتلي خالتك "اللي هي امها وبمثابة خالة لي"
فقلت لها وعلاه ما تكونيش كيفهم و ماماك ما تقولك والو بالعكس تشكرك
قالتلي انا قدراتي محدودة و طاقتي على قد حالي و هوما نشيطات عني
"مع انها ما تدير حتى محاولة ولا مجهود"
فقلت لها لمذا قالت لي كلكم شايفينهم غير هوما و انا ما نبانش كامل معاهم و حتى وان حاولت مارايحاش نصفاهم "يعني نوصل اللي راهم عليه"
وهنا اكتشفت انو امر المقارنة امر سلبي ماشي ايجابي لكل البنات
و هي صارت عندها عقدة نفسية من جراء هذ المقارنة اللي لو لم نقارنوها مع غيرها لو كان راهي العكس

وكي تزوجت كانت بمنزلها لوحدها و ما قدرتش على خدمة الدار
وحاليا راهي الحمد لله بعد ما حاولنا معاها و اتبعنا معاها اساليب اخرى ولات ربة بيت جيدة و عادت شاطرة في خدمة الدار و حتى علمناها الاعمال اليدوية وولات تخدمهم في وقت فراغها وتفرح بيهم و تفرح بيهم زوجها و اسرتها

هذي كانت قصة قريبتي سرتها عليك حبيبتي وعلى كل من يزور هذا الموضوع القيم
للاستفادة منها

تقبلي تحيات اختك في الله
سندس

و تحياااتي متبادلة إليكِ غاليتي ..
و أشكركِ جزيل الشكر على ما شاركتنا به من أمثلة واقعية ..
نظن أنو تعليم الفتات تقنيات الأعمال المنزلية يأتي بالتحفيز و من الصغر ..
عموما ربي يوفقنا و اياكم ان شاااء الله في وضع بصمة ايجابية بهذا الموضوع ..

ربي يجازيك كل خير أختي ..
سلامي ..