الحمد لله ... الحمد لله ... الحمد لله

[ل..ب..ن..ى]

المشاركة الأصلية كتبت بواسطة b.badis

و عليكم السلام ....شكرا لكي أختي بوقوصة على ردك المميز ....أنا كنت حاب ندير طب أو طب الأسنان .... جبت باك 2007 ب 12.92 لكن كان معدل الطب 12.99 و طب الأسنان 12.94 ...للأسف ...في هذاك الوقت قريب هبلت على زهري لكن الحمد لله ...لكن كنت جاب الشعبة الثالثة هي الهندسة المعمارية و الحمد لله قبلوني فيها كان معدل القبول 12.47 .... قريت الهندسة المعمارية و ماعقبتش باك 2008 لكن لما شفت نتيجة باك 2008 عالية تاع أغلب الناس تحمست و قلت نعقب باك 2009 با ندير طب أو طب الأسنان... ركزت على الرياضيات لأني كنت قاوي بززززاف فيها ...و كن معول عليها غير هي ندي فيها 20 مش 19.5 .... لكن نهار الإختبار تخدعت و درت دالة عددية تخربطت في الإشارة في بداية الدالة و مافقتش بيها خلاص في وقت الإختبار.... المهم عقبت المواد لي بعدها و المورال طايح خلاص ...و كانت النتيجة بلي جبتو 11.65 و الحمد لله على كل حال ....للأسف ماعلاباليش واش نسجل بيها .... شكرا لكي جزيييلا على ردكي

يعني الباك راهو ولا صاحبك ههه
ماعليش المهم راك فرحت بيه
وان شاء الله هاد العام تكون شعبة الطب منخفضة المعدل
بالاك مايطلبوهاش بزااف !
ان شاء الله تكون 11.64 او اقل

نقولك حاجة سقسي في كامل ولايات الوطن
شحال قبلولهم شعبة الطب وجراحة اسنان
خاطر مرات تكون منخفضة في ولاية ومرتفعة في جهة وحدخرا

انت شوف اقل معدل لاي ولاية
وادا سمحلك المعدل سجل فيها

ماعليش تمرمد العام الاول بعيد على داركم
ومن بعد السنة الثانية ولي لولايتك
واكمل تخصصك

وحتى ادا ما كتبش ربي اخي
ماعليش ...كاين شعب والله رائعة
وعندها مستقبل فووور
وما تقطعش الامل

مانيش نقولك عاود الباك
خاطر راك يبانلي ضيع سنين الجامعة تاعك على حساب الباك

يا الله استخر ربك
ودير واش يمليه عليك ضميرك

ماديرش كما اختك
انا في شعبة طب اليوم
بصح ماكانتش اختياري
اثروا عليا بزاااف قالولي مليحة يا الله ديريها
راح تندمي لوكان ماديريهاش
رحت قلت ايه ندير طب

ومن بعد والله غير كرهتها
خاطر كنت نموت على الرياضيات
وراك شايف الطب
والو الرياضيات ماكانش منها
كاين شوية برك بصح ما تقنعش

المهم نهار يجيبوا دليل التسجيل
وتختار ما تنساش تخبرنا

ان شاء الله تكون طب
وراح نعاونك يومها في اي حاجة تخصك

تحيتي

سلاااام