التبييييييييييييخة بنينة بزاف ومفيدة جدا

[حياتي نبع امل]

السلام عليكم ورحمة الله وبركاته
فصل الشتاء فيه ماشاء الله من انواع الخضر ونهار تكون عندك كامل الخضر تتحيري واش ديري
هدا الطبق هو شتوي وغني وبنييييييييييين اسمو التبيخة
لتحضيره نحتاج
اولا الدرسة "التوم والفلفل الحار "
ندرسوهم مليح في مهراز مع شوية ملح باش تسهل علينا عملية الدرس
[IMG][/IMG]
نحطو شوية فاصولياء يابسة مع حفنة حميصة مع حفنة فول يابس من الافضل ادا ماكانش معليش انا ديجا درتو اخضر
مع العلم تكونو غليتوهم شوية
في كيكوت نحطو الدرسة والحبوب "الفول والفاصوليا والحميصة"مع شوية زيت وفلفل عكري وكمون وحار وشوية طماطم مصبرة
[IMG][/IMG
ضيفيلهم الما واغلقي عليهم وخليهم حتان يلحقو نص طياب تقريبا يعني ما بقالهمش بزاف ويطيبو
نضيفو عليهم الطبقة التانية من الخضر وهي 2 حبات بطاطا 1لفت 1 جزرة 1بسباس قبضة سلق ونص راس كرمب ادا كان صغير
[IMG][/IMG]
[IMG][/IMG]
حطي الخضر تم السلق تم الكرمب
عاودي اغلقي الكيكوت طبعا تكون فيها شوية مرقة ودوقيها باش الخضر ما تطيبش صامطة
بعدها حضري شوية ارز نص كاس تقريبا
[IMG][/IMG]
غليه وصفيه من الما تاعو وعاودي اغسليه وخليه بجنب
بعدما تطيب الخضر نحطو الارز فوقها ونسويه بملعقة ونخليه يتشرب المرق وفي نفس الوقت تتجمر مليح
وبعدما تعقد المرقة وتتجمر طفي عليها ورشي فوق التبيخة قسبر مقطع
وهدي النتيجة
[IMG][/IMG]
[IMG][/IMG]
صدقوني جي بنينة بزاااااااااااااااف
فقط كمية الخضر والحار انت تتحكمي فيها على حساب العائلة تاعك
وهي من الاحسن تجي حاارة
نتمنى ان شاء الله تعجبكم وتكونو فهمتوني