السلام عليكن اخواتي صراحة الباترون نتاع المودال هدا معنديش مي ادا كنت تتقني الكروشي مليح يجيك ساهل تبداي بسلسلة طويلة اول سطر بغرزة الحشو والسطر 2بدومي بريد حتان السطر الاخير مي الشراشف الاخيرة ماشي بالكروشي جاني كيما الدونتال الابيض لي يتباع بالميترة تخيطيه تحت البريد مع الثنيات المتكررة بعد ما تخلصي خياطة الدونتال حوشيه بنفس اللون لي خدمتي بيه البريد من بعد روحي اخدمي البريد من جديد تحت الدونتال لي خيطتيه مع السطر الاول وعاودي خيطي السطر الثاني من الدونتال وكرري العملية لي قتلك عليها حتان تتحصلي على كمية الشراشف لي تبغيها وفي الاخير اثني الجهتين نتاع الصدر حتى تتحصلي على الشكل الكروازي و خيطيه بالابرة والخيط ولصقيلو السمسم وزينيه بالوردة من وسط وصدقيني هدا المودال اسهل بكثيييير من الوردي الدائري وادعيلي انشاء الله انت والاخوات بالشفاء العاجل من عيني انشاء الله وراح نديورو ورشة بالصور لاجل كل الاخوات وصدفيني اشريت الصوف وحطيتو باش نخدم غير الله غالب عيني دارتها بيا واتمنى اني ساعدتكم ولو بالشيء لي نقدر عليه
( تقرير عن مشاركة سيئة )، و الموجودة أسفل كل مشاركة .
2013-01-21, 19:11
العرض الشجري