كل واحدة تقول الحيل الي تديرها ولادها

[ام ظافر]

ربي يحفضلك ولادك ويرزقك برهم
انا عندي اولاد كبارشوي على ولادك عندي 10سنوات و8 سنوات واختهم 4 سنوات واخر العنقود 5اشهر
ولكن كل الناس يقولولي ولادك ماشاء الله عليهم عاقلين .........الا انا يطلعولي القرون وحاستهم يديرولي بلعاني
صحيح في الصغر كانو ماشاء الله لكن كل وين يكبرو يكبر همهم معاهم ويكبر تعابنا ايضا خاصة لما يبدا مسلسل الشجار ....ارواحي انت وافريها
طريقتي الناجعة الوحيدة هي اني نحسب لثلاثة واذا ما حبسوش يا ويلهم مني ومع الوقت نحسب غير واحد زوج نلقاهم كيما يحب الخاطر لانهم يعرفو اني غير هذه الطريقة الي ما نتمسخرش فيها وشحال يخوفهم رقم ثلاثة لانه على بالهم بانهم راح يتعاقبو

طريقة اخرى تاع التشجيع اذا واحد عمل حاجة مليحة الكل يصرفقو عليه ويسلمو عليه وهذا يعززلو ثقتو بنفسو

ربي يقوينا ويساعدنا في تربيتهم