السلام عليكم
يا البنات راني عند وعدي ليكم وكيما قولتلكم من قبل الحاجة اللي نعرفها مانبخلكمش فيها ويسعدني نتشاركها معاكم
غلطتني واحدة في طريقتي لفتح عجائن الحلويات المعسلة لاني كنت نفتح برك وكنت كل الحلويات نعملها بنفس الرقم واعطاتني الطريقة الصحيحة ربي يجازيها خير وربي يعطيها ما تتمنى تفضلوا تعرفو طريقتها
نبداو بالبقلاوة الطبقة السفلى تتحل بالرقم الوسطاني ثم الرقم ما قبل قبل الاخيروالطبقات الاخرين تحليهم بالرقم الوسطاني تاع الالة لان ماشي كل الالات كيف كيف وممباعد في الرقم ما قبل الاخير اما الطبقة الفوقانية تتحل بالرقم الوسطاني ثم الرقم ماقبل قبل الاخير
وردات البقلاوة تتحل بالرقم الوسطاني ثم الرقم الاخير
باقي الحلويات نحلوهم بالرقم الوسطاني ثم اللي بعدو
الحلويات المنقوشة يعني اللي نستعمل فيهم النقاش نحلوهم بالرقم الوسطاني برك
الوردات والورقات نحلوهم بالرقم الوسطاني ثم الرقم اللي ما قبل قبل الاخير
لبنات راه هاد الطريقة مازالني ماجربتهاش وكي نجربها ان شاء الله راني نوضعلكم الصور
( تقرير عن مشاركة سيئة )، و الموجودة أسفل كل مشاركة .
2013-01-16, 10:57
الحلويات المعسلة وما يناسبها من ارقام الة فتح العجين
العرض الشجري