للمتزوجات والمتزوجين و لكل من يعطي رايه بموضوعية

[sali-sali]

المشاركة الأصلية كتبت بواسطة soso sirin

مع كل اسف فكرة التعدد عندي مرفوضة لانو كامل نعرفو انو مكانش عدل اذا رجال ضروك ماعندهمش عدل بين ماماه و مرتو كيفاه يضمن انو راح يعدل بين نساه .و زاد الغيرة راهي بين الكنة و عجوزتها و تنوض حرب بيناتهم على الراجل امالا كيفاه بين زوج ضراير.اذا خطبني واحد متزوج مع انو انا اصلا مانخممش في حاجة كيما هاذي لانو انا مانبغيش الشركة الله غالب راجلي يكون ليا وحدي بزاف عليا مشاركيني فيه يماه و خواتاتو و زاد انا انانية جدا .انا فكرة الزواج براجل متزوج رافضتها جملة و تفصيلا لانو كيما قال لمرتو سمحيلي راح نتزوج عليك و ختارني راح يجي ليا و يقولي سمحيلي راح نتزوج عليك و تم ماعنديش الحق باه نقول كلمة لانو انا تاني ديت الراجل على مرتو لازم تجي وخدخرى تديه عليا. و زيد واش يضملي انا بلي راح نكون مليحة و مانوليش ستوتة و راح نخليه يريح مليح مع مرتو و راح يروح عند ولادو تخيلي غدوة نولي شريرة و هاذو قلوب و ممكن يطلق مرتو ويسمح في ولادو يا اختي ماخصنيش ذنوب ناس في رقبتي غدوة عند ربي نوقف قدامو واش راح نقول و زاد انا راح نتزوج مانيش راح ندخل حرب واش راح يكون احساسها هي نهار يكون عرس راجلها والله مجرد الفكرة مانقدر نتخيلها و الي مانبغيهاش على روحي مانبغيهاش على وخدخرى .في مجتمعنا المراة لما يتزوج عليها معنتها فيها ديفو و انسانة ناقصة.زوجات الرسول كانت الغيرة بيناتهم امالا سوسو سيرين واش تكون قدامهم.هذا الموضوع والله مانقدر نتخيلو و اذا ربي راه كاتبو للواحد ربي يمدلي القوة من عندو سواء كنت الزاوجة و لا الاولى و يارب مانتحطش فيه

ههههههههه انت نعرف ردك مليح يا الغيارة لكن من الاحسن انو الرجل يعيد الزواج على زوجته في الحلال و يصارحها بدلك خير من لي يخبي عليها و تسمع خبر زواجه من عند الناس

المهم انو يعدل بيناتهم ومايوصلش لحالة الطلاق

نورتي صديقتي الغالية و الشريرة