تطبيقي لنهار اليوم
الجانب الديني اذكار وتسبيح فقط(عذر شرعي)
الجانب الجمالي بروساج للاسنان ودوش خفيف فقط
الجانب التربوي راني فرملية بصح مادايراش اضراب راني ندور بالدوا على ولادي وحتى مول الدار مسكين اليوم لحق التور نتاعه وعطيتهم النعناع بالليمون كيما قالتلي حبيبتي صليحة والفيك تاني راه معاوني
الجانب التنظيفي البارح مارقدوش واحد جاته البردة ولاخر الرعادة وبنتي تكح وتبكي واليوم انصرعوا في تلاتة ماناضوش حتى لل12 ونص وفي هادا الوقت غسل جبل نتاع قش كان محجرلي سيقت كامل لبيوت وهويتهم ماعدا الشوبرا طبعا ودرت الفطور حريرة وبيض مقلي لولادي وسلاطة ووجدت العشا درت الغراتان نتاع الباطاطا اللي قالتلي عليه معليمتي منى وغادي نقلي الصوصيس وسلاطة ونقيت الكوزينة ودوشت لقيتهم ناضو حطيت فطرنا ,ولادي كلاو غير البيض فقط ومبعد راح مول الدار صلى الجمعة وجا يرتعد من لا قريب ومبعد رقدو في تلاتة وانا غسلت الماعن ودخلت القش وحددت اللي خصه التحداد ودرت بيسكوي ووجدت القهوة وكيجا وقت العصر نوضت مول الدار صلى وتقهوى نوضت ولادي شربو الحليب وماكلاو معاه والو وخليتهم يتفرجو فال"هول" ورحت للشومبرا هويتها وسيقتها ومسحتها كامل ودرك جيت نحكي معاكم بصح كلشي فيا راه حابس غير يدوحدة راني نكتب بيها مشي زوج
وهدا هو بالنسبة لنهار اليوم نتمنى غدوة نكونو خير من اليوم
( تقرير عن مشاركة سيئة )، و الموجودة أسفل كل مشاركة .
2012-12-28, 18:48
العرض الشجري