السلام عليكم ورحمة الله وبركاته
في يوم ما وفي نفس المنتدى خطت اناملي مشكلتي حزنت وكرهت ومليت وقولت علاه دارلي هكذا على الاقل يعطيني سبب الفسخ
رحت ندعي ربي وندعي حتى عرفت حقيقتو انو انسان منافق سلكني ربي منو والحكاية كامل سبتها امراة كيما انا ومن عايلتو يعني كي خطبني كانت لابسة طاقية الاخفاء ومبعد نحاتها ولعبتلو على العقلية في ظرف شهر بدل رايو ورجعلها وذركا دار عقد شرعي وانا حتى كلمة اسمحيلي ما سعتهاش دار الهربة تسلك وكي يلقة واحد من لافامي يهرب ويبدل الطريق بعد ما كان متمسك وخايف لا نبطل عليه
والحمد لله اللي ربي كشفو وعرفت بلي كنت رايحة نزوج ولية مسكينة وربي سلكني منها وحياتي ماشية عادي شادة في ربي وكيما عطاه يعطيني اللي خير منو فلا يعجزه شئ في الارض ولا في السماء وهو ربي وكيلو
بمعنى وكلي ربي وعيشي حياتك واللي خلق ما يضيع
ربي خير من كل خير
بلا ماننسى قولي الحمد لله على كل حال المؤمن مصاب هذا تمحيص لك اخية
ما تجني ما والو هذا التجربة تزيد ترفع المعنويات وتعرفي بلي ربي حبك وهناك
ربي يرزقك بسيد الرجال اللي يهنيك ويعرف قيمة النظرة الشرعية
وضعنا لؤلؤة في اعناق الخنازير