الطفولة والاطفال واسئلة الامهات

[hiba ahmed]

شوفي انا معنديش بزاف مللي فطمت ابني وعمري ولا درتلو البيبرو كان يرضع مني وخلاص شوفي اصعب حاجة للام انها تفطم وتاني للطفل ديري القطران تعرفيه ولا لالا ادهني بيه ومن بعد كي تشوفيها تحوس اجبديهالها وهي فيها القطران راهي تخاف منها ومتعجبهاش ريحتها ونوصيك رقيلها في الجي العصير والماء واسمعي ردي بالك تعطيها ترضع شوفي في الليل كي تكون راقدة بنتك مليح لضيها ليك واعطيهالها باش اتنح الحرقة انتاع صدرك ديريهالها مرة كل اسبوع انا والله درتلو كيما هاك وفي ضرف اقل من شهر فطمتو ومدرتلوش البيبرو درتلو طاس انتاع البيبيات لخطر البيبرو تاني يعييك وتوالفلك بيه دريلها طاس وانشاءلله متمرضيش من الفطيمة وادا مرضتي يعني يتحجرلك الحليب في صدرك ديري النعناع فوق صدرك وديري فوطة فيها الماء السخون ولكزي بيها واحلبي متخليش الحليب راه يضرك