ماشاء الله لا قوة الا بالله
اختي التونسية انت عزيزة و حبيبة و بلادك عزيزة على قلبي ياسر برشا
قبيلة برك كتبت اول مشاركة ليا في هاد القسم كتبتها لأم رامي و قلتلها انني من المعجبات السريات ليها و لك و حتى كي نجرب أكلاتكم ما نحبش نحط تطبيقاتي لكن كوني متأكدة بلي شبعتو دعاوي الخير غير ربي يقبل مني
اول ما شفت الملوخية دخلت نجري انا نطيبها لأني بسكرية يعني مانيش بعيدة على توزر ههيهيهيهيهيهيه
لكن لما دخلت ما فهمت والو لقيت الحرب شاعلة زربت خرجت و قلت نسألك حاجة من بعد اذنك
انا لما نطيب اي طياب ندير عيني ميزاني و كي ندردر لملوخية في الزيت نقليها مع اللحم و انا شفت في سوسة طريقتك لكني قعدت خايفة منها لأني لما شفتها قعدت تحرك فيها في الماء المغلي و بعدين قلات اللحم في برمة أخرى و مرقاتو بهاديك الملوخية مع الماء المغلي جاتني خدمة كبيرة و استحفظت على طرقتي "نقليها مع اللحم و بعدين نمرق عادي بالماء"
المهم سؤالي على 8 مغارف في شحال ديريها يعني البرمة تاعك حسيتها كبيرة انا في العادة نديرها في لكوكوطة تاع 3 و نص لترات في رايك شحال من مغرف نديرلها ؟؟؟
نشكرك اختي لعزيزة و اذا مافيهاش احراج وعلاش سميتي روحك انا امهم لأنه فعلا اسمك او من شطارتك و كان هكاك فتستاهلي تقولينا انا امكم كامل لأنك ماشاء الله عليك شاطرة و نص ربي يحفظك و يحميك و يطول في عمرك آمين
سامحيني كثرت الهدرة مانعرفش نختصر هيهيهيهيهيهيه
( تقرير عن مشاركة سيئة )، و الموجودة أسفل كل مشاركة .
2012-12-17, 20:50
العرض الشجري