بطاطا بطريقة جديدة وبنيييييييينة من عندي

ام ملاك. · 2012-12-17, 19:28

جبتلكم طبق ماكانش اللي ياكلها عندي مايعجبوش بنين بنين حتان خلاص

وساهل مافيهش بزاف صعوبات حتى المبتدئات يقدرولو
يحتاج تقريب كيلو بطاط او اكثر كل واحد يعرف ناسو
لحم او دجاج طوماطيشة كبيرة ولا زوج صغار ثوم قرفة زيت زرودية 3 حبات نورمال
ترابي الطوماطيش مليح وترابي الثوم وتحطيهم في الكوكوت يتقلاو زيدي فرغي الللحم نتاعك ولا الدجاجكييتقلاو مليح لازم تديري شوية زيت باش يتقلاو مايتحرقوش زيدي ديري نص مغرفة صغيرة قرفة وملحكي يتقلاو
تكوني قطعتي الزرودية كاريات صغار تفرغيهم عليها وتمرقيماتديريش بزاف الما غير يتغطى اللحم خلاص اغلقي على الكوكوت وخليها تطيب نقصي للنار وخليهم يطيبو وفي هداك الوقت قطعي البطاطا واحدة على ربعة لازم تكون كبيرة
واقليها في زيت سخونة بزاف قيس ماتحمار ماشي لازم تطيب الداخل غير تحماى نحيها ديري غير بالشوية
درك نخليكم مع التصاور باش تفهمو مليح كيفاش
اسمحولي ماصورتش المرحلة الاولى نتاع التقلية نتاع الثوم والطوماطيش واللحم هنا مرقت ودرت الزرودية

هنا نقلي في البطاطا بلا ماتطيب غير تحمار نحيها

وهنا كي يطيب اللحم تحطي البطاطا

وهنا كي طابت

صدقوني بنينة بلبزاف
كنت حابة نصورهالكم في طبسي مي مالحقتش خاطرش جاني بابا واختي ضياف لعندي وطولت باش طيبت خاطرش خرجنا وكي طاب زربت باش نحط في الطابلة وحشمت نصور قدامهم خفت يضحكو علي وراجلي بسلامتو شحال مايحبش التقعاد هههههههههههه
يعني اسمحولي
جربوها وردولي بالخبر اممممممممممممم
الردود ماتهربوش راني نشوف فيكم