الكذب ولى ساري في دمنا تقول رجع اكسجين قريب نرجعوها قاعدة من اجل ان تعيش يجب ان تكذب .العهود و الوعود ماولاتش عندها قيمة عندنا و الي تعجبك تاع الصح كلمة والله رجعنا في كلشي نستعملوها و المشكل متاكدين بلي نكذبو و نحلفو .الواحد مايغيضوش اذا كذب عليه واحد بعيد و لا وعدو و ماوفاش الي تغيضو تاع الصح لما الانسان هذا يكون دايرلو قيمة كبيرة بزاف و يكذب عليه كيما انا وحدا من الناس المترشحين مانسمعلهمش كامل لانو ثمانين بالمئة من كلامهم كذب في كذب .رجعت الهدرة باطل على هكا تلقى الناس كامل توفي و توعد كون جينا كل كلمة نخلصو عليها والله واحد لا هدر رجعنا نامنو بلي الثقة في الوثيقة من عدم الثقة و الا امان الي رانا عايشين فيه و معاه.المشكل علاه نهدر و منبعد نحبس حتا واحد ماسيف عليا نوعد مي اذا هدرت بسيف عليا نوفي هذا الشي.ممكن انا قلت كلمة و انا حاسة انو مانيش رايحة نكون قدها مانقولهاش لانو ممكن انا بالنسبة ليا كلمة مي بالنسبة للشخص لاخر امل رايح يعيش عليه.وحدا ربي يذكرها على خير قاتلي الواحد مايوعدش لما يكون فرحان لانو ممكن يقول كلام ماراهش قدو و عندها الصح.النقض بالعهود و الوعود راح يدير مشاكل كبيرة بين الناس و تنعدم الثقة بيناتنا على هكا الواحد يلزم يخمم الف مرة باه يقول اي كلمة لانو ممكن كلمة منا راح تحيي شخص و ممكن راح تقتلو .
( تقرير عن مشاركة سيئة )، و الموجودة أسفل كل مشاركة .
2012-12-12, 21:18
العرض الشجري