مشكلتي .. أمي ترفض .

[مشكلتي]

السلام عليكم

عاونوني ي خاوتي ربي يحفظكم ..
أنا فتاة عمري 27 سنة ..

كاين واحد حاب يخطبني .. هو من مدينة بعيدة و أنا نعرف ختو ، و هي حكات معايا و قنعتني بلي خوها ناس ملاح و قادر على شقاه و مانندم
اذا قبلت بيه .. أنا قـبلت بيه .. رغم أنو كاين بعض التعقيدات .. و رحت قلت لـ ماما مي هي رفضت الامر تماما و يبست راسها و كيما درت معاها
ما لقيت حل ..

و باه يكون في علمكم .. التعقيدات كاين 3 و هي

1 انا كثرمنو بـعامين .. المرة الاولى جاتني صعيبة ، مي مع الوقت اقتنعت و كاين اخرين 30 سنة و عقلية تع صغار
2 يسكن بعيد علينا بيناتنا ساعتين و نص في طريق
3 هو مريض بالسكري

و اليوم برك حكات معايا اختو و قاتلي معليه يماك ماشي قابلة ، وش قلتي لوكان يجي هو و بابا يحكيو مع باباك بالاك تع داركم يقبلو و يقنعو يماك
و انا خفت نقولها ايه و مبعد يما تيبس راسها ..

قتلها نخمم و نردلك لخبر

الله يستركم كيفاه ندير باه ما يضيع مني .. و ربي يجازيكم