تارت بالتفاح

[أم مروان]

هذه أول مشاركة لي إن شاء الله تعجبكم

اسفة على الـتأخير إليكن الوصفة:
المقادير:
بالنسبة للعجينة:
5 بيض
5 ملاعق كبيرة زبدة طرية
5 ملاعق كبيرة سكر
2 باكي خميرة
1 فاني
6 إلى 7 ملاعق ك فرينة
بالنسبة للتفاح:
قطعي تفاحتين كبار إلى شرائح متوسطة و طيبيهم في سيرو (كاس ماء + كاس سكر + قشور القارص)
التحضير:
- طلعي البياض + قرصة ملح لتحصلي على تلج
- خلطي الصفار مع الزبدة+ السكر+فاني مليح ثم أضيفي الفرينة مع الخميرة و اخلطي جيدا ثم أضيفي البياض بلطف
-في صينية دائرية مدهونة بالزبدة صبي الكراميل ثم ستفي شرائح التفاح و صبي عليها خليط العجينة و حطيها في الفرن
بعد الطياب خليها تبرد ثم اسقيها بملعقتين أو 3 من السيرو اللي طاب فيه التفاح
وبعدما تشرب اقلبيها في صحن التقديم و بالصحة والراحة