خروج الشاب مع خطيبته

[aihemsara]

اممممم كونو واقعيييييييييين ما تقولوش لام هكاك برك
راح نحكي عن نفسي و من فضلكم ما تتهجموش علي..
انا مني خلقت ما خرجت مع حتى واحد و واحد ما شاف شعرة من راسي و واحد ما مس يا لوكان ضفري و الحمد لله
و يمكن انا الوحيدة بين صحاباتي لي صبرت و قلت نخلي الامور هادو كاااامل نجربهم مع راجلي احسن
و كيما كان الحال تخطبت لشخص ما نعرفوش و من ولاية بعيدة و طبعا ما تلاقيناش
و بعدها ب 3 اشهر عملنا العقد الشرعي يعني الفاتحة
و بعدها باشهر عملنا العقد المدني
لحد الان..في رايكم انا صبرت حياتي كاملة و ما حطيت رجلي برا مع حتى مخلوق و حتى مع راجلي لالا تاني؟
يعني ندي قط في شكارة ولا كيفاه؟ ما نعرفوش من قبل و ماندعنديش الحق نتعرف عليه ؟
في الحرام باينبدون نقاش لالا... و في الحلال تاني لالا؟
مالا واش فائدة العقد الشرعي؟ يخي في الصيغة يقول الاب انو مد بنتو للسيد يعني راهي حلالو
و واش فايدة العقد المدني؟ لي بيه تولي تحمل اللقب تاعو؟!!!
و بالتالي خرجت مع خطيبي مرتين و بعلم والديا.. و مرة عرضوه والديا لبيتنا يفطر عندنا..
و طبعا قبل هاذا سال امام و قالو يجوزلك تخرج معاها لانها زوجتك..
و الحمد لله عرسي بعد اقل من 20 يوم و راكم كامل معروضين