حماتي ...صدمة حياتي...للنقاش

[مريم الصابرة]

السلام عليكم اختي
إسمحيلي نقولك كلام ممكن ما تزوجتش وما جربتش لكن مهما تكون الحماة قبيحة مهما راحا دير فيا محال ولا نقول عليها كلمة عدوة هذي الام اللي ولدت الراجل اللي انا تلاقيتو وتزوجتو مهما درات
نقولك حاجة يعني امك تضربك حتى لو كنت ولادك عنها حق تضربك يا هل ترى تقولي على يماك عدوة لدودة عارفة قلت العجوزة تشوف فالكنة عدوى لدودة وبالتالي الكنة تكرها شعال من موضوع هنا تجي وتقلو عجوزتي غيورة مني عجوزتي تحرش وليدها يا نسا خافو ربي سعادتكم بيدكم يعني اختي قادرة تخلي حياتك جنة المشاكل بين النسا علاش يوصلو للراجل وتكرهولو حياتو بين النسا تبقى بين النسا مهما زعفوك قهروك خليها في قلبك إشكي لربي وإعيلو يحنن قلبهم عليك ويجي نهار العجوزة هذي تروح وتخليلك دعوة الخير ويا سعدك وهناك وإذا درت فيها الشر يا ويلك فكما تدين تدان
الصراحة انا هنا اي وحدة تكتب مشاكلها مع عجوزتها ما تغيضنيش نقولك الصح العجوزة هذي ام والراجل هذا ما لقيتيهش كبير وواجد كي كان مريض إنت وهي تسهر إنت وين كنت كي كانت تتعب وتوكل وتكسي إنت وين كنت خافو ربي وإسمحيلي انا هذا راي شكرا