هل تستعملو مكعبات جومبو في وصفاتكم

[ام هبه]

بالنسبة لمحتوياته.راهم حاطين --حلال ----مافيهش اللحم .توابل فقط.ويبقى شانو شان الكوكا و جميع المشروبات شان جميع المعلبات طماطم و..........بالنسبة للحم المجمد.مرة مليهاش بزاف بروفيسو ر -طبيب-بالقناة الوطنية قال انو مثلو مثل اللحم العادي -فري-فقط الماء اللي فيه يتجمد .وفيه نفس القيمة الغدائية....وبالنسبة للدجاج .زوجي بيطري كل مرة يقولي لوكان جيتو تعرفو ماتاكلوش الدجاج.لانهميوكلوه مواد معينة باه يكبروه ويسمنوه.ولازم يحبسولو هداك الاكل ويخليوه بالاك15يوم باه يدبحوه .لكن حبيبتي واحد مايطبق.لانو في هادوك ال15 يوم راح يخسرو قداش من كيلو في كل 100 دجاجة فما بالك1000 او مليون دجاجة.اللي يسمنو الابقار والماشية بالجومبو 20.نفس الشي هاديك الماد تبقى باللحم .ونستهلكوها احنا و.....المليحة والزينة انو انديرو كيما تاع بكري نربيو دجاجات ...معزة....راني انسيت اللي ياكل السميد الله غالب اعليه واللي ياكل القمح .زعمة دبرها .كدبه برك اعلى خاطر يسمدو الارض قبل مايزرعوها .من بعد يزرعوها بالقمح المداوي .من بعد كل مرة يرشوها بكاش ادوا.واحد يقتل الحشيش .واحد يطول السنبلة .واحد يخشن القمح.واحد..........سلام.