مشكل و ماشي مشكل

[كاميلا]

المشاركة الأصلية كتبت بواسطة soso sirin

البيت المستقل حلم كل زوجين سواء على المدى القصير او الطويل و لكن في حالات حينما يتوفر يظهر مشكل من نوع اخر.و ضروك نحكيلكم واش صرا عندنا خويا الي عايش معانا راه خارج يسكن روحو المشكل والديا راه غايضهم الحال صح راهم راضيين عليهم مي في جال ولادهم و سوغتو وليدو الصغير بابا روحو معلقة فيه و حتا هو البارح كي رحنا معاهم قعد غير ساكت و ماهدرش كامل.و حتا كنتنا فرحت كي راهي رايحة مي قاتلنا مانيش قادرة نقعد روحي والفتكم البارح قالتنا اقعدو معايا يامات حتى نوالف و اليوم كي رجعنا للدار رجعو معانا كامل الصح حتا انا عجبني الحال و بابا فرح و حتى هوما.انا قتلهم حنا النسا وحدا نبغو نسكنو رواحنا و نبغو نقعدو مع ناسنا و ارواحو نتوما حلوها.
انا قتلهم الحل هو لازم الوحدا تخرج تمتم بدارها باه مايكون ولف مايصرا مشكل لا للوالدين و لا الذراري و حتا للراجل و المرا .انا الي راهم غايضيني هوما والديا و ولاد خويا والله علابالي رايح يكون صعيب بزاف عليهم

صراحة انا تجيني مشكلة كبيرة انه نتقاسم بيت اهل زوجي وزيد هو بعد حاب يستقل يعني رغبته ثانيا انا تجيني عيب نعيش معاهم والله العظيم وزيد علاش يقولو زواج راهو استقرار واستقلال يعني الانسان ايضا يخرج بعايلة جديدة اذا كانت الدار فيلا وتكفي وكل واحد في طابق معليش اما اذا كان غير ذلك لا هذا رايي الشخصي
وفي حالتكم معليش كاين جار لنا وليد بنته ديما عندهم قالها يبقى عندي ومسجله في المدرسة اللي قدامنا وفي راهو ديما عايش عندهم هذا راجع لموافقة والديه طبعا