الخطيب و المناسبات

[soso sirin]

المشاركة الأصلية كتبت بواسطة لذريق

السلام عليكم أختي وسيلة
نتمنى ما نعاودتش نغلط في اسمك ههههههههههههه
ايه عادات المجتمع لا تنتهي و لا يصوغ لأحد اعتراضها الا بحل سهل انو يخطب في مدة قصيرة و يدي زوجته ديركت ههههههههههه
لكن و الامور تسير هكذا لا بد للشخص ان يخرج بعض من ماله ليظهر في صحة المهمتم و الشخص القادر على النفقة على زوجته و لكن هذا أمر نسبي فكم هم أولائك الذين يتظاهرون بالحب و الكرم أيام الخطوبة و أمام الاهل و بعد الزواج ينسون واجباتهم في الانفاق و غيرها .....و الله المستعان
و لو كان الناس على وعي و قدر من الفهو و المسؤولية لأسقطوا على الخاطب الكثير من الامور التي لا طائل منها و الاولى تخفيف المهور و تشجيع الشباب على الستر اما و ان مجتمعنا يحكم فيه الوو الجهل العميق فنحن نتجرع تسييرهم لنا و الكيس الفطن من يقود نفسه و لا يهدر دراهمه في امور تافهة بل يتركها لوقت الشدة
ربي يعرفنا واش نديروا و يرزقنا العلم و الحام و الفهم
ســـــــــــــــــــــــــــــلام

وعليكم السلام ايا مادامك كتبت الاسم نيشان راح نعفيك من الخلاص و ماتدفع لا اورو لا دينار .ههههههههه.ايه صح هذا تاني حل باه الواحد مايقويش على روحو تكسار الراس يخطب يدي نيشان و هذا مليح ليه و للطفلة و لماليهم .و الله كاين ناس وقت الخطبة تقول هذا ماتدي منو فليكساج مصروفها يوصلها ليكادو الي يشوفو يقول هذا كريم كثر من حاتم الطائي وقت مايديها يشردها مسكينة المصروف تاع الدار و مايمدولهاش و هاذي حالة.امالا كل راجل يشد دراهمو عندو خير و هي الحمد الله راهي عند باباها و زيد هو ماشي مسؤول عليها في هاذي الفترة الا في شي مناسبات لانو المراة بطبعها تبغي الكادوات امالا مينذاك يتفكرها اما باه يجيبلي حاجة في العيد و هو كون يصيب يقتلني غير يخليهم عندو خير .و هي ماتتشرط و هو مايفرط هكا مليح