رائحة العنصرية تفوح من المنتدى

[الواثق]

المشاركة الأصلية كتبت بواسطة عطر الملكة

و الله يا جماعة الخير
اتفق معكم بخصوص عضويات البنات بصح كاين حاجة بنت عن بنت تفرق و الفاهم يفهم
كاين بنات في هذ المنتدى ربما لهم من الاقدمية سنوات لكن لطالما كان نصيبهم الحظر و الاهانات و الانذارات لا لشيء الا لانهم يقولوا كلمة الحق كيما هي بدون مجاملة او محاباة
و في المقابل كاين بنات غير مبارح دخلوا للمنتدى و بلا ما نحكي الكل راه شايف وين لاحقة الامور في هذ المنتدى
و زيد يا اختي ترب الندى كلامك صحيح راه كاينة اوبسيون مهمة كي يكون الس كا يب و الامسن نتاع الطفلة عند اصحاب السلطة العليا و الله ما تخاف لا نقل لا حذف لا حظر هذي تدخل في اطار التمتع بالحصانة المنتداياتية
يا طفلة طبقي واش راه كاين في الواقع تفهمي كيفاش راه ماشي المنتدى
و انت يا اخي صاحب الموضوع ثق في نفسك و اكتب من اجل الكتابة بغض النظر عن الردود و من يرد عليك مسألة وقت و تولي من قدماء هذ الصرح و قلبك يطيب بسيف عليك
و لا ادخل بعضوية بنت هذا ثاني حل مليح

هذا حال النقاد ............انا ثاني مانكذبش عليك وليت نرد على اعضاء فقط ..........ولي نعرفهم ..............لخاطر مرات نرد على واحد يقول لي لقد اهنتني واسئت لي ..................وانا اعطيته رأيي فقط .........................والبنات هاذو تجبدلهم الخدمة والقراية يطيرو فيك .........يدبرو ريصانهم واحنا ندبرو ريصانا لكن لن نغير رأينا هههه