السلام اختي الكريمة يعطيك الصحة على هذا الطلب وعمرك متخجلي بيه على خاطر كاين بزاف كيفك المهم بدون اطالة راح نعطيك بعض النصائح لي راح تحتاجيهم باش تتعلمي الطبخ
اختي الكريمة كيما علمونا امهاتنا في الصغر قالونا قراو وتعلمو وباش تتعلمي لازم تكوني تحبي المطبخ والطبخ ومتخافيش كي طيبي يعني جربي وانتي مطمئنة واستعيني بامك او اختك........
لازم تعرفي بلي النظافة من اساسيات الطبخ يعني الخضار تكون مغسولة ونقية
( الصامط (مسوس) يداوى والمالح ميداواش) هذي كانت نتصحني بيها يما ربي يخليها كي كنت مبتدئة متكثريش الملح اذا كنتي متعرفيش الكمية اللزمة
متكثريش ليدام (الزيت) في المرقة
كي طيبي باللحم خصوصا الغنمي نصيحة من عندي تفاداي الزيت واذا طيبتي بالجاج نقصي كمية الزيت
كيما الزيتون حطي 2 ملاعق كبار
اما المراقي الاخرى حطي 3 ملاعق كبار مرقي بيهم
سر البنة في الاكل هو التمريق لازم تقلي البصل مليح وع الخضار والتوابل اكثر من 15 دقيقة وراح تشوفي الذوق
متكثريش طماطم المصبرة في المرقة راح تعطيك حموضة من الاحسن تنقصي
بالنسبة لسلاطة تاع الورقة من الاحسن انك تنضفيها ورقة بورقة وتبدليلها الماء اكثر من 3 مرات وخليها تنقع في الماء مع قطرة جافيل للسلامة
ان شاء الله نكون افدتك يا اختي الكريمة بالتوفيق ولي يسأل عمرو مراح يخسر بالتوفيق
( تقرير عن مشاركة سيئة )، و الموجودة أسفل كل مشاركة .
2012-09-24, 13:51
العرض الشجري