قتل طفلة قبل ان تعيش

[سومية88]

السلام اليوم حبت نحكي علي قصة فتاة في سن المراهقة وكيف المجتمع يقتلها قبل ما تعيش حياتها
هده الفتاة تقرا في المتوسط غير متحجبة المهم خرجت من المتوسطة علي ساعة 3 مساءا الاستاد لم ياتي كانت مع صديقاتها و2 من الدكور ولاد حومتها يقراو كيفكيف يروحوا معاهم لان طريق مقطوعة وفيها السراقة بزاف المهم كانوا يمشوا حتي تلاقاو بثلاثة وحوش فقاموا تلك الوحوش بسرقت البنات وما شاء الله الدكور هربوا كانوا قادرين يسلكوهم لان الوحوش اولا اصدقائهم وثانيا كانوا بناءين يبنوا لو كان قالولهم لوكان سلكوهم المهم طفرت في واحدة من ثلاثة بنات قاموا بضربها وتعريتها كما ولدتها امها ثم المسكينة اغمية عليها حتي اتوا الجيران نتيجة سراخ صحباتها سلكوها وداوها للمستشفي واش نقولكم حالة يماها لي بعتت بنتها تقرا تسيبها مرمية في الغابة وعريانة واه من باباها لي ولا يمشي يبكي اه من طفلة هدا وين حلت عينيها في الدنيا ونزيد نقولكم تلك الوحوش صوروها عريانة وداروها في الانترنت وين توري وجها الطفلة حتي واحد وليد فامليتها خطبها ورايحة تتزوج وهي في عمرها 15 سنة لمادا نقتل طفلة احلامها كبريائها حتي ادا لم تكن محتجبة فهي صغيرة وكان يجي نهار وديروا واحدها بقناعتها وعلاش نرموا المسؤولية علي الطفلة اسمحوا علي بالي عندي تعبير ركيك سؤالي هو حق الناس تحكم في بنات الناس وكاين اولا ربي وثانيا والديها وماتقولوليش لانها غير متحجبة لان المراءة فينا غير تكبر تبدا تتفكر فيه حتي الا ماكانش حجاب شرعي يجي اليوم وديروا بقناعتها لان ربي هو ليهدي ماشي الانسان