اقماع (قرطاس) البتزا

[حياة نور الدين]

نحتاج:

عجينتكم المعتمدة للبيتزا
صلصة الطماطم الجاهزة أو طريقتكم الخاصة
خضار لحشوة البيتزا (بصل - فلفل بارد - هوت دوغ - زيتون)
جبن موزاريللا

نستخدم من أدوات المطبخ:

الأقماع الخاصة بالمعجنات
قطاعة رول للعجين
قدر حجم وسط
غطا قدر حجم صغير
ورق ألمنيوم


نجي للخطوات...
ناخذ مقدار كورة صغيرة من العجينة و نرقها بحجم الأقماع اللي نستخدمها للعجين...
و ننتبه ما نخليها رقيقة، لازم تكون سميكة شوي!




نلف العجينة لفة وحدة على القمع (و ما ننسى ندهن الأقماع بالزيت)، بحيث بس تلتقي الأطراف، و نقطع العجين الزايد بالقطاعة الرول... و نكبس على الأطراف زين حتى نتأكد إنها ما تنفتح في الفرن وقت الخبز...
و هنا بعد ما جهزت الأقماع و صفيتهم في صينية مدهونة...




دخلهم الفرن على حرارة 475، الفرن لازم يكون حامي، و نخبزها لمدة 5 دقايق فقط!
و هذا شكلهم لما طلعتهم من الفرن...



نتركهم يبردون شوي بعدين نفك عنهم الأقماع المعدنية... و نبدا نجهز الخطوة الثانية!

نجيب القدر و نحط الغطا داخله، و الغطا اللي نستخدمه لازم يكون أصغر من حجم القدر بشوي، يعني لما ندخله في القدر يثبت في وسط القدر، مو صغير لدرجة إنه ينزل لقاع القدر!
و يفضل إنكم تدهنون الغطا بشوي زيت...



الحين نغطي القدر بطبقتين من ورق الألمنيوم و نتأكد إنه مشدود و ثابت!
و نجيب سكين طرفها حاد و نسوي فتحات في ورق الألمنيوم بحيث ندخل فيها الأقماع و تثبت و هي واقفة!



فايدة الغطا داخل القدر، إنه يعمل كقاعدة ترتكز عليها الأقماع، و قلت لكم تدهنونه، لأن اللي سويتهم لزقوا على الغطا و اخترب شكلهم شوي من تحت...

الحين نعبي الأقماع بالصلصة و الخضار و الجبن... أنا حطيت تقريباً ملعقتين صغار من الصلصة...
و ممكن إنكم تحشون الأقماع أول بعدين تثبتونهم على القدر...





دخلهم الفرن بنفس الحرارة السابقة، و لمدة 15 - 20 دقيقة...

و هذا شكل الأقماع بعد ما طلعتهم...



منقووووووووووووول للافادة