العلاقات قبل الزواج ؟؟!!!

[سجل أنا جزائري]

المشاركة الأصلية كتبت بواسطة اسعى لرضى الله

نقولك حاجة يا اخي

كون سهلو للشباب الزواج والله ماراه صاري واش رانا نشوفو

والمشكلة صعبو الزواج ودخلو للمجتمع حلقات تركية تدعو لهد العلاقات غير الشرعية

فاكيد راح تلقا اللي راح يقلد

المشكلة الاساسية لهدي العلاقات بعدنا على الدين بزااااااااااااااااااااف بزاااااااااااااااف وزيد كاينين اعداء الاسلام اللي هوما بعد مسلمين زادو استغلو الفرصة ولعبو دورهم وفسدو الشباب بالحلقات والغنى ووو الخ

صح ما قلته أسباب شجعت على هذه الظاهرة , حسب ما راني نشوف راهم بدى الشباب يرجع الى الأصل

هذا الصيف بزاف صحابي تزوجو و هو ما صغار

المشاركة الأصلية كتبت بواسطة dadi1996

الحمد لله و كل شيء بمكتوب الله صراحة يا اخي انا شخصيا عمري 17 سنة لم يسبق لي وان مشيت مع فتاة بعلاقة غرامية لكن لا انكر انني كنت احب فتيات و كانوا يحبونني و لكن بمجرد فتاة تتقرب لي عندما اراها مرة اخرى نبدل الطريق لحمايتها و لكي لا اجرحها بالرفض و لكن يات يوم و سوف لن ارفض من تريدني حقا و حبا خالصا. للاسف لا يوجد فتاة في عصرنا هذا تحبني كما اريد. فانا غريب عن هذا الزمن

ايه خلييك من هذو العلاقات ما راح تربح منهم والو غير تخسر دينك و قريتك و ثاني نقطة أخرى

نهار تكون كونت نفسك انت اللي تبحث على الفتاة التي تريدها مش هوما اللي يجيو ليك يقولك راك عجبتني !

ربي يوفقك أخي

المشاركة الأصلية كتبت بواسطة sihem30

و الله كلامك في اللصميم يا صاحب الموضوع ............. الاغلبية الان من الرجال يخطبو بنات اللناس يدخلوا لديار الناس و يدورو في كلمتهم بعد مرور و قت ... بصح دين الدنيا يسلك في الدنيا الي دار هكدا يجي نهار ربي يرزقو طفلة و يصرالها هكدا ...... وكاينة حاجة اخرى نظن الافضل للبنات انهم ما يتعرفوش على الشباب نهائيا و يعطوهم بالظهر . خير ليهم . الي يحب يتزوج يجي لباب الدار و انتهىىىىىىىىى و كي يجي لباب الدار كلش بالحلال .و خلاص ...

ايه هكذا يقولو مي ما علاباليش ذرك ولات تقولك لازم نقفز باش ندبر فيها راجل !