نقاش رائع ويذوب في الفم

[*سماح 94*]

السلام عليكن عزيزاتي ا جمعة مباركة على الجميبع

جبتلكم وصفة نقاش راااائة جداااااااا== صراحة ماشي انا لي قلت لاني ما نحبش النقاش وما نذوقوش طول == لكن كل من يذوقو يعجبو بزاف ويقول رائع ويذوب في الفم والوصفة تاع امي اكيد لكن هاذ العيد قلت نجرب انا ثاني واش خاسرة

السر في الوصفة انك تشمخيه في الفجر وتخليه يرتاح حتى للعشية واخدميه
بانسبة للغرس او الحشوة اعجنية بالزبدة ستار وجلجلانية وديريه حرابيش غطيها بساشي وخليها
والعجينة الكيل بعلبة لابال تاع 500 غ
3 كيلات فرينة وكيلة زبدة ذايبة 1/2 كيلة سكر رطب بيضة باكي خميرة بصح ما تديريهش اكل خلي شوووية في الساشي ونص كاس ماء زهر فيه فاني ومبعد زيدي نص كاس ماء زوهر اوخر ولمي بيه تجي قدقد ما تزيدي عليه ما تنقصي يعني المجموع كاس ماء زهر == وللامانة العجينة شمختها ماما ماشي انا ههههههه والنقش انا لي درتو == مجرد تجربة برك
وخليها كيما قلت ترتاح من الفجر للعشية ومبعد اخدمي عادي حلي العجينة رقيقة وديري الغرس ورولي مرتين وقطعيه كيما تحبي وانقشيه ثم طيبيه
راح يتنفخ كي يطيب ومبعد يولي عادي ويبان الفقش مليح




ماتعلقوش على النقش رني هذا وين نتعلم برك ههههههههههههههههه

ان شاء الله يعجبكم وتدعيولي كي تديروه