الفرق بين المنتدى والفايسبوووك

[zineb.alg.ziani]

السلام عليكم

كنت نفكر هاكا واش لفرق بين المنتدى والفايسبووك

ولقيت هاد لحواايج وادا كاين اضافات مرحبااااا بيها هههه

ايااا نبداااو......
1_في الفايسبووك دير ميل جااام مكانش ل يحبسك ..اما المنتدى عندك عدد محدد في مدة معينة.

2_الشكر في المنتديااات تضااف اليك النقااط اما الفايسبوووك فلاا..
ولوكاان كاين ف الفايسبوووك درجاات التقييم بكل تواضع لوكان راني احسن عضو

3_في المنتدى كاين غلق موضوع حدف موضوع نقل موضوع مي فالفايسبوووك مكاانش قااع انتاا تتصرف حبيت تخليه تموديفييه
مكاانش ل يساالك .

4_في المنتدى الكل يعرف وقتاش دخلت.. فالفايسبووووك تقدر تدخل واحد ما يفيق بيك هههه راني نديرهاا بزاااف
hors ligne

5_في المنتدى تبدل لافوطو نتااعك واحد مايفيق غ الا كاان متبعك مليح....فالفايسبوووك يكتبلك
فلان بن فلااان
a echangé la photo de profile

6_في المنتدى نكتبو بزااف عربي ....فالفايسبووك غ الا كاانت اية ولا حديث..

7_في المنتدى مواضيعك يقدر اي واحد يرجعليهاا مي ف الفايسبوووك تقول راك تحوس على ابرة في كومة قش

8_ في المنتدى يحضروك مي الفايسبووك نتى تحضر روووحك ...تبلوكيه

9_ في المنتدى الكل اصدقااءك ....الفايسبوووك العدد يزيد ينقص بارادتك

10_ في المنتدى صعيب الدردشة وتقيلة في الاماكن المسموح بيهاا ..الفايسبوووك قروباات سريعة ..لكنهاا مضيعة للوقت...
11_في المنتدى الرساائل محدودة وهادي راها مجينياني بزااف ..الفايسبوووك غ كتب ومتحبسش

12_ في المنتدى تقدر تتواصل مع الادارة ....مي الفاسيبوووك شكون يسمعك ...ولا يقيمك ديجا معندنا منديرو بيهم

13_في الفايسبووك يديرونجيك وااحد سوبريميه ولا بلوكيه ...المنتدى تلقااه لاصق ك ظلك .

14_ في المنتدى تحس كااين لمة واخوة ...الفايسبوووك لاا نحس كل وااحد يحكي على روحو

15_ ف الفايسبوووك الكل مدمر الكل كااره الكل معندوش...ف المنتدى تلقاا هاد النااس مي كاين المتفائلين وكااين ل يعااونك ف محنتك ..

16_ف الفايسبووووك فوطو نااس قااع دايراهاا.موضوع الكل مبارتاجيه..ف المنتدى دير فوطو مكررة ولا موضوع داروه من قبل يحدفوه ...

17_في الفايسبوووك قااع لبناات انوشاات وبابشاات وزيناات ههههه ..في المنتدى الاغلبية متديناات ولا تلقااهم جزائرياات زعماا عندهم الروح الوطنية كتر ....ايا لبناات الروح الرياضية ....

18_في المنتدى نااس قااع يفهمو عليييك ك دير موضوع نتاع حزن ولا دير مشكلتك..ف الفايسبووك دير حاجة نتااع حزن يقلبوها عليك ضحك وتمسخير حتى تنسى همك ...

19_ف الفايسبووك تقدر تلعب المزرعة السعيدة ههه..المنتدى مكانش العااب

20_في المنتدى تقدر تقرى .تراجع شوي ..الفايسوووك غ دعاوي الشر ههه الله يهديناا


راني عييت وعلابالي كاين بزااف فروقاات ان شاء الله يعجبكم الموضوع
وانتظر اضافاتكم ............سلاام.....

ايه حقاا هادي تالية

الفايبسبوووك مسكين تكتب كلمة منتدى ...تلقاها مكتوبة منتدى تكتب كلمة فايسبووك ف المنتدى تخرجلك هااك ******** ههههه ..