مخبز البيضة بالنواد كوكو من تطويري رائع

[ام مؤمن]

السلام عليكم أختي

تقريبا الوصفة كلها كلها نواد كوكو لذلك أكيد طعمو رح يكون غالب

اذا تحبي يكون بنين ديريه مبلول مليح بالبيض و القارص ووو بقية المكونات باه ميجيش شايح

و القلاساج ديريه تقيل نوعا ما و منكه مليح كيما كتبت في الوصفة باه يجي لونو و طعمو مليح

الوصفة كي ديتها من النت عملتها شكل قلب ايه تطرحيها عادي و تطبعي بطابع القلب

بالنسبة للكيلات زوج كيلات نواد كوك بكيلة سكر أرطب و الباقي ديريه كيما كتبتو

القاطو يطيب من نحت اذا شفتيه شايح من فوق خلاص اذا لاحضت انو طري شعلي عليه من فوق يشيح شوية برك من دون ما ياخد لون

القلاساج والله ما نكدب عليك انا كي خبيتو عمل قشرة من فوق من بعد خلطو باه يرجع كيما كان معجبنيش طيشتو

بالنسبة للعدد نسيت قداه بالضبط لكن مش بزاف اذا مكدبنيش ربي 24 حبة لانو المول تاعي غارق و يهز العجينة بزاف اذا عملتيه بطابع آخر أكيد يجي العدد اكثر

موفقة عزيزتي

يعطيك الصحة راني درتوا للعيد و جاني هايل و طعم النواد كوكو جا مليح كي طاب و القلاصاج عطاه بنة

القلاصاج نتاعك ايضا ناجح جدا و راني زدت عليه فقط القليل من الفوندون و بقالي القاطو طري و مايبسش القلاصاج نتاعوا

لعجينة ماجاتنيش متماسكة سوفريت باش شكلت الحبات كانت العجينة تتشقق كي نطبع و تاني الطابع نتاعي كان عيان شوية بصح تعافرت معاه و درت حبات مسقمين

ننصح الاخوات يجربوا القاطو نتاعك بلا تردد لانه هايل و انت هايلة بارك الله فيك و الله يعطيك ماتتمناي و يحلي ايامك حلاوة القاطو نتاعك

و نوعدك ان شاء الله نحطلك التطبيق نتاعوا سلام