أقدم مساعدتي في امتحانكم المصيري

[kako.koko]

المشاركة الأصلية كتبت بواسطة fancy pearl

عذرا طولت عليك مي النت عندي ضعيفة

1 قداه اديتي معدلك ؟و هل كنت منتظرة انك تدي اكثر ولا هذا وش كنت حابة ؟ و وش هو شعورك كي شفتي النتيجة ؟

معدلي 18,42
و قد أعجبني كثيرا و كيف لا و قد حققت حلمي و مبتغاي
في الحقيقة كنت أحلم بهذا المعدل و قد كان عندي أمل في الحصول عليه و ذلك حسب إجاباتي في البكالوريا لكن بعد إطلاعي على بعض التصحيحات النموذجية انخفضت معنوياتي و يئست نهائيا
و في الأخير إتضح بأن بعض التصحيحات النموذجية كانت تحوي أخطاء
عايتطلي صاحبتي (وردة الجزائر) و هي من أخبرتني أولا
لم أصدق و ظننتها مزحة و ظلت تقول و تعيد المعدل ههه وش درت فيها
ثم تأكدت من النتيجة و بكيت فرحا لأول مرة في حياتي

2 من وين كنت تحفظي في المصطلحات والشخصيات في الاجتماعيات ؟؟ خاطر تخلطت عليا المصادر ومعرفتش اناهو المليح ونقرى بيه . وهل كنت تقري غير من الكراس تاعك في الاجتماعيات ولا كيفاه كنت تقري في هذي المادة ؟

المصطلحات أعطاها لنا الأستاذ في أوراق هو كتبها لنا و طبعها جزاه الله خيرا
لكن يمكنك اقتنائها من أي مكتبة
ماتكثريش أحفظي غير الأساسية
نعم كنت أحفظ من الكراس فقط و هو كاف جدا، و مع ذلك لم أحفظ جيدا


3 الفلسفة اكثر حاجة نخمم فيها قداه اديتي فيها ؟ وش هو المرجع يلي قريتي بيه ؟ وهل هي مادة حفظ ولا فهم ؟
ومنين هزيتي المقلات تاعك يلي كتبتيهم في الباك ؟ وقداش من ساعة كنت تقراي فيها في هذي المادة ؟

الفلسفة كنت أحضر الدرس من الكتاب ليساعدني على فهمه و المشاركة مع الأستاذ
لا أخفي عليك لم أعطها إهتماما بالغا رغم أنها كانت من أكبر مخاوفي
و كما أجبت سابقا اعتمدت على الحظ
مقالاتي من كتاب قضايا فلسفية + الانيس+ النت طبعا
حصلت على 16,5 رغم أن المقالة التي أجبت عنها لم تكن من بين المقالات التي حضرتها فقد اعتمدت على الفهم و الذاكرة طبعا فقد ناقشنا هذه المقالة في القسم
حاولي تقسيم جميع المقالات الى رؤوس أقلام تمثل أفكار أساسية و احفظيها الى جانب أقوال الفلاسفة ثم في الاختبار قومي بتوسيعها
في البكالوريا قمت ب"النقد" و" الحجج الشخصية" من الواقع و من أفكاري الخاصة لم أجدها في أي كتاب
و أنا أرى هذه المادة مادة حفظ أكثر من فهم و أتعبتني كثيرا و خاصة نفسيا فقد كنت متخوفة كثيرا منها و الحمدلله تهنيت منها


4 رياضيات والفيزياء قداش الوقت يلي مخصصاته ليهم للمراجعة وكيفاش كنت تراجعي فيهم ؟ وش هم المراجع يلي افادوك لدرجة كبيرة ؟ وهل كنت تهبطي مواضيع من نت وتحليهم ولا لا؟ و في رايك اذا كنا متمكنين منهم هذم المواد نخصصوا اوقات للمواد لاخرى ولا لا ؟

كنت أحل كل التمارين التي يعطيها الأستاذ فقط و أدرسها أيضا في دروس الدعم
و قبل الفرض أو الاختبار أختار بعض التمارين المفيدة من الكتاب المدرسي و أحلها
لم يكن لدي مشكل في هذه المواد منذ صغري فلم أخصص لها وقت كبير
قبل البكالوريا مباشرة قمت بحل مواضيع البكالوريا السابقة لسنتين من قبل
لم أعتمد على أي كتاب خارجي في هذه المواد


5 العلوم ناس كال قالو كتاب احمد امين هو لمخير ولازم تشريه وانت واش رايك ؟؟ وكيفاش كنت تقري في هذي المادة فيها الحفظ ولا لا ؟؟ ماذبيا تقوليلي كلش بخصوصها ؟ وش المنهجية يلي تتبعي فيها في الاجابة على الاسئلة ؟

أنا درست بهذا الكتاب و هو مفيد جدا و يناسب البرنامج الجديد و الدليل على ذلك في شهادة البكالوريا لهذا العام أحضروا تمرينا كاملا من كتاب أحمد أمين
أنصحك بحل نشاطات الكتاب المدرسي و تعلم منهجية الإجابة
ففي بعض الأحيان لا تفتقرين الى المعلومة بل إلى طريقة إيصالها
تعجبني منهجية الإجابة في كتاب أحمد أمين حاولي حل كتابيه كاملين
أنصحك أيضا بحل البكالوريات السابقة و معرفة ما الذي يطلبونه في كل إجابة
العلوم معظمها فهم، هناك أمور حفظ لكن مع الممارسة و حل التمارين ستحفظينها تلقائيا
مثل وصف البنية، و تحليل بعض المنحنيات، و بعض الأسئلة المباشرة
هذه الأسئلة يمكن الاعتماد على الفهم لكنها دائما تتكرر و تصبح الإجابة فيها بديهية
لذا أنصحك بإختيار الموضوع الذي تكثر فيه مثل هذه الأسئلة

6 شريعة منين حفظتي من الكراس ولا الكتاب وقتاه كملتي حفظتيها وبرايك عادي هذي المادة وكيما يقولو من اسهل المواد ولا لا ؟

الشريعة حفظت من الكراس فقط
لا أتذكر متى أتممتها لكن أذكر أنني لخصتها في 5 أوراق
و نعم هي من أسهل المواد و الكل يتحصل على 20 فيها ماعدا أنا طبعا لاني لا أحفظ جيدا ههه

7 العربية هاجسي الوحييد راني باه نهبل منها قوليلي قداه اديتي فيها ؟؟ وامانة عليك تقوليلي كيفاه تراجعي وتقري فيها بالتفصيل ؟وراح نكون من اشد شاكرين ليك خاطر محتاجة نصائح في هذي المادة وقوليلي منين كنتي تقريلها معناها من كراس ولا دعم ولا كتب خارجية وش اسمهم اذا قريتي بيهم ؟ وقوليلي اناهو خير الشعر ولا نص وانت واش تفضلي و واش خيرتي في الباك ؟

العربية راكي كيما أنا
هاجسي الدائم
لم تكن لي طريقة واضحة في دراستها
كنت أدرس القواعد فقط من الكراس و أحل مواضيع من النت و كتاب خارجي لا أذكر إسمه لكنه يحوي مواضيع محلولة لشعبتنا
كنت أحصل دائما على 15، عييت نجيب أكثر
و كنت أفضل الشعر على النثر فأسئلته دائما تتكرر و إجابته واحدة و كنت أخطئ دائما في نمط القصيدة
من بداية السنة ولا مرة جبتو صحيح
في البكالوريا اخترت النثر لأن أسئلته كانت واضحة في نظري + النمط واضح أخيرا
تحصلت على 17

8 اللغات انا راني نسكن في الجنوب والاهتمام باللغات في ولايتي قليل وانا ناقصة فيهم شوي نحبك تقوليلي في الفرنسي نخير كونتر غدي خير وفي الانجلي كيف كيف ولا لا ؟ وقوليلي كيفاه نقدر نتجاوز نقصي حتى بالقليل وش طرق المختصرة يلي لازم نخدم بيهم ؟؟ علبالي راهي لازملها قاعدة مي الله غالب نحوس درك وش ندير ؟؟

اللغات في نظري مادام أنك ناقصة فيهم لازملك تخيري compte rendu و في الإنجليزية كيفكيف
و احفظي طريقة عمله على الأقل تضمني 3 أو 3.5 من 5
نعرف ناس ممتازين و دارو كونت رندي يعني ماتخافيش خلاص
في اللغات أنصحك بالملخصات ستجدينها إن شاء الله على نفس الموقع عند بداية الدراسة هي مفيدة جدا لتحصيل النقاط التي تخص القواعد
تبقى نقاط فهم النص يجب أن تعملي مجهود طيلة السنة بتحضير الدروس و شرح الكلمات و حفظ الكلمات الجديدة سيساعدك هذا في توسيع رصيدك اللغوي و فهم النصوص

لالا يا أختي ما تولتي عليا ما والو
و هذا واجبنا حنا تاع 2012 نعاونوكم كيما عاونونا لي من قبل
و إن شاء الله نكون جاوبتك كيما حبيتي و إذا كاينا حاجا ماقتانعتيش بيها قوليلي نتناقشو فيها
ربي يوفقك إن شاء الله و تحققي أمنيتك
سلام

ربي يخليك اختي والله عجزت باه نشكرك ونصائحك استفدت منهم كامل ههههه باه نزيدك سؤالين كيفاه كنتي تخيري موضوع الباك وتمارين تاع الكتاب المدرسي في المادتين الرياضيات والفيزياء حليتيهم كامل ولا لا ؟؟ وجزاك الله كل خير وربي يوفقك في مشوارك الجامعي