|| ^_^شرح التحويلا ت الجامعية بالتفصيل^_^ ||

[سطايفية بكل فخر]

المشاركة الأصلية كتبت بواسطة tamimo92

السلام عليكم ورحمة الله وبركاته
أختي سطايفية مازال أسبوع يبداو التحويلات وأنا ماعرفتش واش ندير
علابالي بلي مانريحش فالتخصص هذا ومانديرش st /mi/ biologie/sport/ sm/toutsequiconsernel'économie
واش ندير راني صح في حيرة بعدما قلتيلي بلي بـ14.7 ماتقدرش دير طب فالتحويل بالرغم أنو يحبطو المعدلات نسبيا
وبالرغم أنو راح يفتحو كليات جديدة وراح نشوف 3 كليات طب
راني في حيرة.
.
.
.
.
عندي فرصة ندير رياضيات إعلام آلي في بابزوار
بصح مانيش حابها
أعينيني الله يعينك
..
.
.
.
زيد راني داير برنامج إذا ما بعثونيش طب نقرا السداسي الأول هندسة بيوطبية وانشاءالله نجيب ملييييييييح
باش نولي نقرا للياك انشاالله خاصة أني مارانيش بعيد
أنا كنت علمي بصح لمصالح أخرى راح نعاودو تقني رياضي كهرباء
...
واش رايك
.
نزيد نسقسيك في تلمسان كاين 3 إقامات في 3 ملاح
بصح اللي فيها أنا 2000 سرير شويا ماشي نقيا....نقدر نبدل الإقامة ولالا؟؟؟
شكرا
وفقنا الله لما يحب و يرضى

اخي انا محبيتكش تتعذلق بامال واهمة لانو معدلك بعيد بزاف على الطب لي يبقا معدلها ثابت
وحتى لو هبطو فيها مستحيل يقلبوها 14راك عارف الغاشي كامل حابها واش نقلك اخي سيي دير تحويل ليها رغم انو الامل ضعيف ونقلك حاجة بعد مقريت ردت تمنيت مكنتش رديت عليك صعب الواحد يقطع امل في وجه واحد اسمحلي الله غالب هذا سيستام بلادنا
+
حاجة متحبهاش متروحش ليها لانك متقدرلهاش وضيع حياتك فيها باطل
+
نظن نت تميل للعلوم الطبية معدلكم يسمحلك بعلوم التمريض ادا كنت حابها
ون كنت نفضل المحروقات ومعهد الالكترونيك لانهم قراب ليك حاول تحول ليهم لانو يقبلو العلميين فيهم بلاك يهبط معدلهم اخي
+
ادا مقدرتش تحول لحاجة تحبها اقرا عامك الاول هندسة بيوطبية ادا لقيت روحك مرتاح فيها وقالولكم على مستقبلها بلي يخرج اللهم بارك كمل فيها واذا معجباتكش حاول تجيب مليح فالفصلين ودير تحويل فالسنة الثانية هكا تكون مخسرتش عامكو مام فالتحويل يسهلولك الامور ادا كان معدلك الللسداسيين مليح الجامعات يرحبو بيك
+
عادي راهم يقبلو تاع العلميين بلا متعاود تقني نعرف بزاف لي يقراو الكترونيك علميين بالمناسبة يقراوها بالانجليزية
+
اذا حبيت تعاود الباك عاودو رياضيات ولا علوم تجريبية لانهم هوما لي تقدر تروح بيهم لكل الشعب الجامعية
+
بالنسبة للاقامات تاع تلمسان منعرفهمش لاني من سطيف
وحنا في سطيف كل شعبة يبعثوها لاقامة مخصصة وميقدروش يبدلو منها الا بالمعريفة
سقسي انت ثما كيفاش النظام يمشي
+
ادا مبدلوكش ميهمش انت نيتوايي الغرفة تاعك والاماكن الخدماتية لي تستعملهم
وميهمش فالباقيين
+
طولت الرد نتمى تتوفق ودير وشا راك حاب
وسامحني مرة اخرى لاني افقدتك الامل
رايحة ندعيلك في صلاتي ربي يسرلك امورك