هل الجمال و الغرور هو الحل لكسب عقل وقلب الرجل

[YARMORACEN]

في الحقيقة ما فهمتش الموضوع ، لكن راح نجاوبك على حساب فهمتي

البنت الجميلة ، تربت على التقلاش و المديح ، لي يجي قولها شحال شابة ، تهبلي ، .....الخ .
من الصغر و هي طالعة هكدا ، تكتشف بلي عندها ميزة تخليها احسن من لبنات لخرين ، مكانش واحد يكرها ، قاع ناس تحب الجمال ، و خصوصا الرجل ، لي عامل الجدب الأول لي يشوفه في المرأة هو زينها ، قبل ما يشوف الأخلاق و القيم و غيره ، ديجا لو كان تشوفي أي طلب زواج يقولك تكون جميلة ، على قدر من جمال ، ..... و كاين حتى لي يدخل في التفاصيل و يبدا يشرح ( بيضاء البشراء ، زرقة العينين .....إلخ )
الرجل عمره ما يمل من الجمال ، لو كان يكون زوج رجال يهدرو بيناتهم و تفوت وحدة شابة ، بنسبة 99 % يا إما يسكتو و يحلو فامهم ، يا إما يديرو رواحهم ماشفوش ، يا إما تتلفلهم الهدرة و ما يرعفوش يكملو الموضوع .

لكن في الزواج كاين رجال من رجال .
الرجل لي يعرف واش زواج و حجم المسؤولية لراه فيه ، مارحش يوقف عن المظهر مطولا و يبالغ فيه ، عكس الرجل لي ما يهمش الزواج بقدر ما يهمه أنه يتزوج بوحدة شابة ، يتمتع بها ، و هدا هو لراح يتروض بسهولة و تتحكم فيه مرته .