مشكلة بعقدة جديدة وبنينة

[*dania]

المشاركة الأصلية كتبت بواسطة ام اماني77

يعطيك الصحة خرجتلك هايلة لكان غير صورتي الخطوات
ممكن تصورلي النقاش لعملتي بيه لان النقشة جاتك مقوسة انا تجني مستقيمة هل نوعية النقاش لتعمل الفرق؟ وشكرا

الله يسلمك من بعد نصورلك الخطوات
كاين نقاش يجي بهذ الشكل مقوس يتباع
وكاين بواطة فيها 9 انواع من النقاش كل واحد و شكلو من بعد نصورهالك
تتباع ب900دج صافي 9الاف للواحد
وعفوا اختي

المشاركة الأصلية كتبت بواسطة looona

العجينة تاع المشكلة كي تطرحيها قداه يكون السمك نتاعها
ويعطيك الصحة جاتك روعة روعة

تجي رقيقة كما تاع البقلاوة و الدزيريات

المشاركة الأصلية كتبت بواسطة islam girl

السلام عليكم

يعطيك الصحة على النقل

عندي استفسار: كي تجي طيبيه العجينة كيفاه طيب و مدة الطياب قداه

مثلا أنا فالكوشة نشعلوا النار من فوق ولا من تخت

نستنى جوابك لأني عولت نجربو

مشكوورة

اشعلي من التحت عادي حتى اطيب ما تشعليش من الفوق راه يلحقها الطياب
فقط ملاحظة هذ الانواع تاع الحلويات كما القنيدلات والدزيريات و لمشكلة وما شبه الي يكونو بهذ العجينة الرقيقة دائما وابدا ما تطيبيهمش ثم ثم محافظة على الشكل خليهم اكثر من 3 ساعات على الاقل خطرات نبدا بيهم وندير انواع اخرى كما القاطو ساك ونرجع نطيبهم في الاخير حظ موفق

المشاركة الأصلية كتبت بواسطة نسائم الصباح

تعطيك الصحة دانيا .شكلها روعة .
هذه نذيرها في خطوبة أخي إن شاء الله
شكرا

الله يسلمك الف مبروك لاخيه بالرفاه و البنين ولا شكر على واجب