ماذا عن الطب في البليدة؟

[يُنبوع~العطآء]

المشاركة الأصلية كتبت بواسطة snow*

و عليكم السلام رحمة الله..

بالنسبة للدراسة من حيث المقاييس هي نفسها و لا تختلف من كليه لأخرى

الدراسة في سعد دحلب لا تعتمد على البوليكوبي في السنة الأولى باستثناء مقياسي:
الرياضيات الاحصائيةbiostatistique
+
الأخلاقيات [ تدرسونها في السداسي الثاني فقط ] déontologie médicale

باقي المقاييس يعتمدو فيهم الأساتذة على الاملاء او على عرض الدروس بالعاكس

عندك مقاييس
histologie générale + cytologie + l 'embryologie humaine

تقراو فيهم عند الاستاذ بوشارب.. راح يلقي الدرس باسلوبو في المدرج و انتي لازم تلخصي على حساب واش تسمعي و واش تفهمي و ترسمي معاه كامل الرسومات ... فقط لازم تركزي معاه بالكامل لانو ما يحطش الدروس كما انو الدرس اللي تلقايهم في المكتبات فيهم أخطاء بالجملة و كارثية! لأنهم من اعداد الطلبة فقط
على كل الاستاذ راح يخصص وقت لطرح الاسئلة قبل كل حصة و يعاود الشرح اكثر من مرة..
اي انك راح تقدري تستدركي اي معلومة فاتتك بسهولة

بالنسبة لمقياس التشريح يلزمك كتابان
( cours d'anatomie : Membre supérieur, et l'autre pour l'inférieur )
اذا قريتو عند الاستاذ سي صالح حمودي مش راح تحتاجو لغيرهم.. هو استاذ ممتاز بشهادة عالمية و راح تحبو الدروس و المقياس بشكل آلي
و اذا قريتو عند الاستاذة حمزاوي راح تحتاجو لشراء ملخصاتها.. و هي استاذة رائعة هي الاخرى

كاين شي لازم تدريه في بالك.. اذا دخلتي لكلية الطب لازمك تدخلي بقاعدة كل شيء واجب الحفظ
راح تودعي رياضيات و فيزياء و كيمياء الثانوي لانها هي تان راح تتحول إلى "حفاظة"
طبعا كلشي يحفظ بعد ان يفهم
،عندك في هذو ال3 مقاييس بعض التعريفات و القوانين الي تحفظ كيما هي لانو احيانا تكون الاسئلة مباشرة و غير متطلبة للتطبيق

حاولي تحضري جكامل المحاضرات قد ما تقدري ( خصوصا في الفيزياء)
و ننصحك ما تدريش على اصحاب الرسائل السلبية و استفادي من الاستاذ بأكبر قدر ممكن بغض النظر عن خلفية واش يقولو اصحاب الدفعات السابقة عليه

الدراسة في اول سنة ممتعة بحق.. فقط يلزمك شيء من الجد

و خليت في الأخير الحديث عن الادارة
كاين معلومة عالمية تقول أنو ادارة كلية الطب بجامعة سعد دحلب هي أسوء إدارة على سطح الكوكب
راح تعانو شوي مع معاملة الاداريين و مع اوراق لافيشاج..
على كل مش راح يأثر على تحصيلكم بدرجة كبيرة و راح تتأقلمو مع الوضع
ان شاء الله فقط تتحسن الاوضاع مع قدوم دفعتكم

+ تحتاجي علبة أقلام ملونة تاع 12 و كبار ( قريب ننسى )

هذا باختصار
و اذا اردت أي مسادة أختك في الخدمة

موفقة

السلام عليكم ورحمة والله تعالى وبركاته
صح فطورك
شكرااااا جزيلا اختاه على المعلوماات
واسمحيلنا مبكرا بويسك راح نهبلوك معانا شوية