شوفوا منكثرش عليكم خاوتي وغادي نعطيكم نصيحة وتجرية شخصية ياريت تعملوا بيها
انا طالب في المدرسة العليا للاساتذة دفعة 2011 تخصص استاذ التعليم الثانوي لغة انجليزية . جوزت الباك هذا العام حر والله ماقريتلوا والوا
كنت كي تولي عندي غدوا مادة مثلا الرياضيات نراجعها في الليل والصباح بعد الفجر ونروح على ربي .مقدرتش نراجع لا خاطر في بداية السنة الجامعية كنت متراخي شويا وطايحلي المورال وكان عندي بعض الفراغ. كي لحقني الوقت لقيت روحي قدام الاختيارات نتاع السداسي الثاني والبرنامج المكثف والباك وتخيلوا كملت الباك بالخميس السبت بديت في اختبارات الجامعة والحمد لله طلعت عامي رايح وجبت الباك علمي 14.94 ولي طيحتني الرياضيات والفيزياء جبت 14 فيهم .المهم لي ننصحكم بيها متبلوكوش العام وتعطوش للباك اكثر من حجموا منهولوش الامور مراجعة متوازنة خفيفة وتوفيق من عند ربي وتجيبوا 16 نورمال و الاهم من كل شي اتكلوا على ربي .
( تقرير عن مشاركة سيئة )، و الموجودة أسفل كل مشاركة .
2012-07-23, 16:22
العرض الشجري