ما رايكم في زوج .......

[arbodar]

المشاركة الأصلية كتبت بواسطة lydia istanboul

السلام عليكم.يا جماعة راكم دوختوني,الف خلاف و خلاف,ألي يسب في نساء الخدامات و وصفو رجالهم بالدياثة و لي تقولك لمرا ممنوع تحكي و هيا الآن راهي تحكي مع رجال و ترد عليهم و لي جايا تتعالى على الناس بلغة اجنبية و حاسبتها هي التطور و تضحك على لي ما يفهمهاش,وش كاين يا ناس؟ دوك لي يحكي داير روحو الفايق و الملاك المنزل من فوق سبع سموات,هو يخالط الرجل و المرأة عادي و غيرو حراااااااااام و غير هو لي يعرف لغات و شي ناس تقول الرجلة بيديهم يوزعو فيها على لخلايق و يقولك هذا ديوث و هذا لا,و لي تقلك لازم يضرب مرتوووووووووووو لأنها خاطبت زميل فيما انو الصحابيات خاطبو الصحابة فمن أفهم بالدين انتم ام هم؟شخصيا اعتقد صديقتك فعلا تستحق العقاب لأنها تحكي على نقص رجولة زوجها لك و خلات لي يجي يقول عليه ديوث....ان شاء الله ربي يقتصلو حقو....اما يا لالة ريحانا رانا كامل نهدرو لغات اجنبية و عمري لا شفت فيها شي يجعلني اتكبر على الاخرين.اذا مكيش عربية راكي تحكي مع عربيات,من احترامك لينا تحادثينا بلغتنا و اذا ما تعرفيش خياتك هنا يعلموك....تحياتي

كل واحد و حسب وش فهم من كلمة تخاطب
هل تعتقدين ان الصحابيات كن يختلين بالصحابة؟ ام تراهن كانو يدردشون
كانو يتكلمون بالضروريات
يعني ماش نقصدو مرا تسأل طبيب على حال وليدها (كيف حال وليدي يا دكتور!)يعني دارت حرام و ماش نقصدو لي تعيط لبرنامج تحكي مع مفتي تستفتيه راهي دارت شي حرام و راجلها ديوث!
رانا نحكو على لي يديرو صداقة مع زملائهم و يختلو بيهم و تحكيلو قصة حياتها و كأنها تتكلم مع صديقتها او زوجها او اخوها!
ماش يصونيلها في البورتابل و كي يقولها راجلها مع من راكي تحكي تقوله مع واحد يخدم معايا برك و تقعد تشايخ معاه! و هو يقولها اه اوك
وين تروح الحرمة!
رجل و مرا اجنبيان على بعضهم يتكلمو في حدود و خارج الشبهات و هذي امور باينة
كيما انا راني نرد عليك هنا
لكن اليوم رجعنا نشوفو مرا تدخل للجامعة (و هذه حصلت امامي و تركتني متعحبا) تلقى مجموعة من زملاء تاعها تسلم عليهم و كأنها تسلم على صديقاتها!!
فهمتي اختي؟