موضوع مميز ╣☼╠★★ للطلبة الجدد في كلية الطب اي استفسار عن الطب او طب الاسنان هنا نجيبك ★★╣☼╠‏

(~ ..أســـامة .. ~ ) · 2012-07-10, 22:58

اقتباس:

المشاركة الأصلية كتبت بواسطة طيف الأمنيات

اخ اسامة يعطيك الصحة وربي يوفقك والله مازال ناس اللي يعيدو بالنية المهم انا جبت الباك ب 16.80 ومديسيدية ندير طب باذن الله والله عندي اسئلة ليك بزاااااااف ونتمنى لوكان تقدر تعاوني شوف انا من ولاية جيجل يعني بعتونا لقسنطينة اخي يقولو بلي الاقامة مهيش مليحة عليها حبيت دزاير بصح سمعت بلي القراية صعيبة والاساتدة مايعاونوش اللي ضعاف فالفرنسية انا مش متاكدة من هدي المعلومات وياريت تعاوني والله عجبتني هدي الصفحة ونتمنى لوكان يديرو قسم لهدي التساؤلات ويديروك مشرف هه

امين ان شاء الله احتاج لدعائك للتوفيق في الدراسة ....... ماتنيسنيش

ارجوك

و اما بعد مرحبا بك اختي في هذه الصفحة و الف مبروك على نجاحك بمعدل ممتاز

شوفي اختي عندي اصدقاء يقراااااو في القسنطينة مقيمات في الاقامة الجامعية ......... مايخصهم واااالوو
في البداية لقااو صعوبة لكن مع الوقت والفووو و هاذي شيئ عادي

و نقولك حاجة اخرى كلية الطب قسنطينة تعتبر من افضل الكليات ... و هذه بشهادة الجميع قالوهالنا الاساتذة تاوعناا
وكاان ماجاتش بعيدة علياااا بزااااااف نبدل نقراا فيها

و بالنسبة تااع مايعاونوش لضعاف في الفرنسية ....... ياااو هاذي انا تاني غالطوني بيها قالولي تاع وهران مايعاونوش و في تلمسان يعاونووو لقيتهم كيف كيف ....

الدراسة بالفرنسية ... ماكاش حرف بالعربية ... لان الاساتذة قاع او معظمهم افنى حياته الدراسية بالفرنسية العربية نسااوها

لكن مشكل الفرنسية لن يكون عائق لك ...... ياااااااو انا كنت حاااااابس فرنسية المادة لنكرها في الثانوية
و لما دخلت كلية الطب خفت و لقيت صعوبات لكن مع الوقت تتعلمي و تبدي توالفي و برك مصطلحات طبية ميقولوكش ديرنا شعر او نص ادبي

و نقولك نصيحة ادرسي الطور قبل العيادي cycle préclinique يعني السنة 1 و 2 و3 في قسنطينة و الطور العيادي بدلي في العاصمة

نقولك علاش ... الطور قبل العيادي في العاصمة رايحة تتعبي بزاااف لاخطرش تبدااي تقري السنة 1 في درقانة و الثانية و 3 في محرزي على ما اذكر ..... و الامتاحانات تاع العاصمة هما الاصعب ... و النظري تبانلي كل الكليات تاع الوطن كيف كيف

تبقى في الجانب التطبيقي ربما العاصمة افضل لتوفرها على 9 مستشفيات جامعية و سمعتهااا توضح كل شيئ

واش رايك في هذا الاقترااح

’؟؟؟

و فكرتك اعجبتني تااع قسم الاستفسارات لان الكثيييييييييير و الكثيييير يحوسوا على معلومات .. و الاشراف نخلوه لاهل الخبرة انا نقدر نعاااون برك ههه

بالتوفيق سلام

مشاهدة نتائج الإستطلاع: هل كنت مقتنع من اختيارك للطب او طب الاسنان
نعم بالتأكيد مقتنع	31	72.09%
لا اخترته بتأثير من شخص ما او عامل ما	12	27.91%
المصوتون: 43. أنت لم تصوت في هذا الإستطلاع