الى كل من اجتاز سنة أولى ثاانوي

[نور العلى]

تفضل الكلام لي قلته للاخت نميرة
أهلا وسهلا ألف مبروك البيام الثانوية لا تختلف كثيرا عن المتوسطة نفس الجو يكذب عليك لي يخوفك منها الاساتذة عاديينمثل أستاذة المتوسط كما تعلمين منهم من يخاف الله و يؤدي واجبه على أكمل وجه ومنهم ......راكي عارفة بلا ما نكمل عادي جدا غير راكي عارفة كاين لي كي تروح لثانوية تحسب روحها كبرت و تبع لبنات لي مشي ملاح ومن معدل 18 و 17 تولي في 9 لكن انا كي قريت في ثانوية حسيت روحي صغرت هه والله في الأول ما عجبنيش لحال ولكني والفت و راني نموت عليها ما حبيتش ندي العطلة هه ايه و بالنسبة للدراسة رايحة تتغير في حاجة وهي الأجوبة نتاع بعض المواد ما ترجعش كيما اعتدتي عليها في المتوسطة مثلا في مادة العلوم و هذه نقطة مهمة و هذي لي هبطتلي نقطتي ماشي وحدي أنا و كل القسم وهي كي يمدولك تجربة و يقولك ماهي ملاحظتك ما يقصدش بها غير الملاحظة لازم مين تكون عندك تجربة تقومي بذكرها ان لم تكون مذكورة و التفسيرر و الملاحظة و هو ما راحش يطلب منك كل هدوا و الاستاذ ما راحش يوريهالكحتى بعد تصحيح الفرض و الاختبار هنا فقط فا يوجد تغيير و فيما يخص المواد ركزي ثم ركزي على الرياضيات و الفيزاء لأن ما تقدريش تفهميهم بلا ما تبعي للاستاذ كما لا تهملي المواد العلمية لانها جد مهمة بالنسبة لرفع المعدل حتى و ماتخدميش في المواد العلمية المواد الأدبية ينفعوك وربي يوفقكو ما تصاحبيش صديقات السوء لي يلهوك على قرايتك اياك ثم اياك و ما تحسبيش روحك كبرتي و لا روحتي للجامعة الى اللقاء طولت عليك و اي استفسار راني هنا ايه و النصيحة الأخيرة و المهمة ما تهمليش المشاركة في القسم لانها جد جد مهمة و احترمي استاذتك مهما يديرولك و مهما يقولولك ما ترفعيش صوتك عليهم و خليهم يهدروا مام لكان سبوك اسكتيلهم لانهم ما يحبوش التلاميذ لي يرجعلهم الهدرة و يشحنوا عليهم و يكرهوهم وهذا كل شي بحكم تجربتي و ما تخافيش من اللي يقولك لقراية صعيبة و الله ما كان منها اذا حطيتي راسك وقريتي و ربما الفصل الأول تهبطي من 17 لل 15 أو 14 ما تخافيش شي عادي كيما صرالي أنا و العديد لكن ترجعي لمستواك في فصل 2 و3