اجروووووووووووا ادخلوا راني رايحة نفرح شوية منكم

[نورالياسمين]

خوفا من الموضوع اللي حطاتو ميمي الجيري و نظرا لجعل دلك الموضوع نسبة العنوية عند الجزائريات تزداد و لأنه شكل تهديدا صريحا لنا سأضع ردا بأمل أن يرقق قلوبكم علينا و لا تلقو بنا الى التهلكة
قالك
إيدا شفتها سمرة ومسرارة
ويدها للخير مدرارة
التربية لحيا لفحولة والزينا
هديك راهي بنية قسنطينة
بنت الأصول بنت الجسور
بنت بلاد العلم والعلاما
بنت بلاد الفهامة والشهامة

ويدا هدرت معاها وماردتش
خطفت قلب ومارجعتش
حوست عليها ومالقيتهاش
ياولدي الطفلة مربية ماتلومهاش
هديك راهي بنية ميلة ولمسيلة
ويا الميلية حني عليا

ويدا شفتها مليانة
وبالزين شحال راهي حليانة
من قلبها لبيض تعبانة
ديك الشابة راهي بنية تلمسان

راهي تمشي وتتقلش
والكلام لحلو من فمها سرابا
شكون ديك البابيشا الحبابة
راهي بنية عنابة

ماهي لبنانية ماهي طليانية
ماهي سويسرية ماهي مكسيكية
ماهي تركية ماهي سورية
راهي قبايلية ولا بنت الشاوية

زغرتو يالبنات زغرتو يالبنات
الوهرانية راهي جات راهي جات
بالزين والحنانة حنات وبالخير وللخير مشات

السطايفية بنت الفوارة
السطايفية شعلت فيا النار
من حبها راني مضرار
حبيت نجيبها عندي للدار
قالتلي في سطيف نعيش
وادا ماشي سطايفي ماتحبنيش

المعسكريات بنات فحلات
الي يخرب فيهم مات
ولي كسبهم هداك وين حياته بدات
في الزين شابات
وفي العقلية
gentilوحنانات
ولي مازال يدير
les blague عليهم
نقوله هادي عادة ديمودات

السوفية بنت الشان
والسوفية بنت الرجال
خيري وختاري أنت المرجان
خيري واختاري أنت الأصل وليك الشان




وإذا شفتها صفرة كي خريف الشجرة
عندها حطة ألمانية همة وشدة رستمية
عرفها بنت الرجآل بنت تيآرت ومآ تتكراش

إدا شفتها حطة، بوكوسة كالقطة
لكلام حلو حنينن وياعمري على الزين
فهاديك بنت العاصمة
ربي يحفظ بنات بلادي
راني غير نتمسخر برك و علابالي بللي دورو دورو ماتلقاوش خير من الجزايرية اللي فحلة و تفردلكم عيوبكم يالجزايريين و تحملكم في الشدة و الرخا و هادي هيا اللي شاركت بالثلثين في الثورة الجزايرية اللي راكم بفضلها تتمتعوا بالاستقلال اليوم الثلث بيدها و الثلث الباقي بكرشها اللي انجبت ابطال و عذرا لصاحبة الموضوع ميمي و انا امزح فقط
منقول للافادة