>>>هذا العضو ربح الباك ---الا حبيتو تباركولو

[انا الذي]

سلام خاوتي وحبابي

اول شي

الف مبروووك لكل الناجحيين

ويلي ماوفقهمش ربي نتمنالهم التوفيق العام الجاي

ثاني شي

باركولو بساكو ربحت الباك ب 12.08 اصلا ماكنتش متوقعوا

بحكم اني مترشح حر

وكنت بعيد لمدة سنوات على الدراسة وكنت نظام قديم وكنت شعبة غير اداب وفلسفة

لكن وش تقولوا الارادة تغلب المستحيل

على كل حال ربي وفقنا ونجحنا كاااامل

ثالث شي

نشكر كل من ساعد وساهم من قريب او بعيد

كل من كتب موضوع

كل من حط رد

كل من شرح مسالة

كل من وقف ولو بكلمة

كل من دعا من قلبو وتمنالنا النجاح

هاد المرة مش رح نسمي الاسماء باسكو نخاف تعايبوني ههههه

لخاطر لحباب والخاوة راهم بزااااف

وكل واحد وحدة عارفين رواحهم

نتمنالكم كل خير وكل توفيق

ونشكركم بزاف

وقفتو معايا وعاونتوني

كنا والله عايلة وحدة وكيما يقولو عايلة هايلة:d

يارب يــــــــــــــــــــــارب وفقهم كاااااااااااااااامل

والله اني احبكم في الله

رابع شي

نشكر الله اني كنت اول من بشر العديد من الاصدقاااااء بنجاحهم

لدرجة اني نسيت نفرح بنجاحي وفرغت كامل وقتي باه نشوف معدلات الاخوة

الحمد لله.... يكفيني كلمة شكر منهم ودعوة مليحة

وزغروتة الا كاين ههههه

واخيرااا

انا الذي مزال معاكم مش رح يروح

وكيما ساعدت وساعدوني هاد العام

رح نكون لطلبة بكالوريا 2013

رح نوقف معاهم ونساعدهم بالشي لي نقدر عليه

وبزاف يعرفوني غير باسم انا الذي

واليوم نقلكم

انا الذي تحديت كل الظروف لي كانت واقفة في طريقي ولحمد لله ربحت الباك

انا الذي فرحت يما وبابا وخاوتي

انا الذي نشكر كل الاخوة اعضاء ومشرفين وادراة واصدقااااااء

انا الذي يحيكم ويتمنالكم كل خير

انا الذي اسمو عبد الحليم

سلااااااااااام