راهي غضبانة

[soso sirin]

المشاركة الأصلية كتبت بواسطة sousou. Dz

السلام عليكم

راني جيت اختي وسيلة للموضوع ديالك والله غير شباب شوفي انا دوكا نجاوبك مي مام انتي جاوبيني على اسئلة لي طرحتيهم اوووكي الله غالب اختك اسوووووووومة فضولية ربي يجيبلك الصبر معاها

على كلي حال ندخل في الموضوع
جاوبي وبختصار لوكان يوقع مشكل بيني وبين زوجي مانغضب مانروح الدار والديا مانيجبلهم المشاكل نتفاهم انا وياه على داك المشكل ونحاول نووصل الى نتيجة طبعا ادا كان مشكل كبير لازم نتهداو وكل واحد فينا يعاود روح من داك نشوف حل للمشكل

ان شاء الله تكون وصلتلك الفكرة ديالي وشكرا على الموضوع صراحة يستحق النقاش وانا انتظر المزيد من تألقك

ربي يخليك اسومة خفتك اذا ماجيش راني نستنى فيك و في لخرين وقتاش يدخلو انا قلت راكم زعفانين و لا واش كاين.علابالي بلي عاقلة و رزينة و نقدر نتكل عليك اذا تزوجتي ماشي كل دقيقةنسمع الطبطيب على الباب راني نقلك نوصي باباك مايفتحلكش الباب تعياي و ترجعي لدار راجلك .والله المشاكل راح يزيدو يا اسماء كون الوحدا تخرج من دار راجلها و هوما زعفانين من بعضاهم لانهم من بعد راح تدخل فيها اطراف وخدخرين و زيدلها عزة النفس تاع كل واحد فيهم و كل واحد يستنى لاخر يعيطلو و هي رايحة و نكونو في حاجة حتى نرجعو في حاجة وخدخرا.انا اذا صرالي مشكل معاه راني نقلو انت الي تخرج من الدار و روح غضب عند ماليا و انا خليني عند ماليك لانو علابالي كو نروح عند بابا و نقلو جيت غضبانة يحاوزني من الدار و يرجعني حتى بلا مايفهم على هكا كون هو يقولو راني جيت غضبان من بنتكم يشدوه عندهم حنا يموتو على النسبان .راني نتمسخر برك شوفي يا اسماء انا اذا صرا مشكل لا قدر الله بيني و بينو مانلم قشي مانجي لدارنا نريح عندو و نشنف و نضرب السكتة و مانهدرش معاه هذاك النهار لانو علابالي بلي كون نهدرو راح نتناقرو منبعد كي نتكالماو نهدرو في المشكل هذاك و مانحسس ماليه مانقول لماليا هكا باه نايفيتي المشاكل .انا بابا راه موصينا الي تبغي تغضب تريح عند راجلها مانستحق حتى وحدا تجي تشتكيلي الا اذا كانت حاجة كبيرة و تاع الصح .و زيد علاه نغضب كي نزعف و نروح لدارنا راه رايح يريح مني مي اذا قابلتو و ظل شايفني مشنفة و نبكيلو شوية باه نغيضو نقعد مقابلاتو باه يحس شوية مي اذا رحت و خليتو تم الشيطان يلعب لعبو تاع الصح انا نريح في داري و نغضب في داري