اقتباس:
المشاركة الأصلية كتبت بواسطة salima14
والله مرت ولد خالي صدعتهم بالمشاكل دابزت مع أخت راجلها
وغضبت إيمالا خلاها حتى كرهت في دارهم جابها باباها رماها
من الباب وراح راهي رجعت تهدنت وحدها
|
مكانش دنيا بلا مشاكل واحد راه عايش عند والديه و مرات يزعف امالا حنا تاني نرفدو قشنا و نروحو نغضبو.صحيتي اختي انتي هدرتي على نقطة مهمة جدا و هي ردة فعل الوالدين مع بنتهم.حنا بابا قبل مانتزوجو كامل موصينا انو الغضبة ممنوعة مرات يحسسنا انو راهي حرام والله انا عندي زوج خواتاتي متزوجات يصراو مشاكل مي مكانش الي تخمم ترفد قشها و تجينا للدار ماشي معنتها انو بابا مايشدهمش بالعكس بابا يموت على بناتو و مايبغي حتا واحد يوصلهم مي هو مفهمنا انو تفوت المرا تخرج من دار راجلها و هي زعفانة منو و هو زعفان منها كاين حاجة راهي رايحة تتكسر في العلاقة و تاني المرا كي تخرج غضبانة و تشتكي منو لوالديها امالا راهي رايحة تحطو في موقف محرج قدام والديها.ردة فعل الوالدين العكسية و الكلمة الي رانا نسمعوها بزاف من والدين الطفلة و هي ماتساليش عليه راكي معززة في دار باباك تحسب هو راح يدوملها و يكبر في راسها ماشي كي توصل ليه بنتو و يحس انو راهي غالطة نوغمالمو يديها بيدو و يوصلها لعندو و تاني ردة فعل والدين الراجل نوغمالمو اذا شافو بلي وليدهم راه ظالم الكنة يوقفو معاها و مايخلوهاش تخرج من دارهم .اكثر حالات الطلاق كانت ممكن انو ماتمش كون المراة ماخرجتش من دار راجلها
( تقرير عن مشاركة سيئة )، و الموجودة أسفل كل مشاركة .
2012-06-26, 18:02
العرض الشجري