استخرت وها أنا استشير ( الزواج في الغربة)

[ailemak]

حنونتي لعزيزة واش هذي الغيبة , توحشتك بزاااف و إن شاء الله تكوني مليحة,
bon, قريت موضوعك يا لحبيبة, و لي تعليق, وحلي ودنيك و إسمعيني ملييييح, ياك يلا لقيتي كاش كلمة قاسية ماتزعفيش راكي تعرفيني
أرواحي لهنا يا كشرودة, واش مالكي تعميتي ولا وااااااش, آآآآآه و نحكمك يا سرورة نويرلك, كيفاش هذي رايحة تتزوجي ولا تربي,أنا ماسمعتش سارة تخدم في لاكراش كمربية, آآآآآآآه آآآآآآآآه
واش داااااك, ياك مازالك صغيرة حنونة,أنا أعترض على زوج صوالح
الأولى هي الغربة في بلد أجنبي, خمي مليييييييح حنونة, أنا زهري مع les emigrés يخطبوني لكني مانقبلش و كامل الناس يعارضوني حتى ماما, يقولولي نتي ماشي نوووورمال, الناس راهي تموت في البحر و إنت جاتك الفرصة و مابغيتيش, تعرفي علاش, لأني خممت لبعيد , الأولاد هل نقدر نتبعهم في بلد أجنبي, كيفاش نربيهم و هوما يقراو مع الأجانب, هل نتحاسب و نتعاقب عند ربي على جالهم? و رانا نشوفو les émigrés كي يجو, عقليتهم différente خلااااااص, يا ختي واش داني, نبغي نسمع الأذان, نبغي نحس بالعيد إلخ, واش عندهم زيادة من غير النظافة هههه, deja هوما عايشين بالخردة و صولد, أحنا عايشين خير منهم , و
l étrangé pour le tourisme pas plus
و deja قادرة تروحي فاسيلمو,إذن خمي مليييييح ما بال
الحاجة الثانية هي الأولاااد, كون ماشي عايشين معاك ok نفوتوها, لكن 2 و معاك في الدار , يعني من الأول تلعبي دور الأم , و 5 سنوات راهي كبيرة, كون جات أصغر تربيها كيما تعرفي لكن 5 سنوات تفرق بينك و بين أمها, تدريلها أي حاجة تشكي لأمها و راكي تعرفي الباقي من مشاكل,و تقولك ماتضربينيش ماكيش ماما , أيا هنا كيفاش تحسي بعدما ربيتيها, ولادنا وماراناش قادرين عليهم مابالك بولاد الناس, يا أختي مسؤوولية كبيرة,
و أمهم أجنبية يعني la liberté totale, تزيريهم شوي يهربوا عندها وتولي أنتي ماشي مليحة, 2 يا محاينك
الناس تتزوج و نتي تتحوجي,و هذا الراجل باغي مربية ماشي إمرأة, ياو يروح يزمر على روحو
سارة لي يسمعك هكذا يقول فاتك القطار و بقاتلك لعربة الأخيرة تاع القطار ههههه راكي شابطة فيها, أيا أنعلي شوشو تشوفي, ياك الله الله عليك زينونة و صغيرة و قارية و و ماشاء الله عليك, أي واحد يتمناك, و هذا قريبك قوليلو شكرا ماعندناش بنات للجواز, و أحجزو لبنتك
يا ختي مالوروزمو خوي صغير عليك sinon نجيبك عروسة لعندنا و زكارة فيلي مايبغوناش
عاودي خمي حبيبة, deja كون راكي مرتاحة كون ماجيتيش درتي موضوع, و إن شاء الله يكتبلك ربي الزوج الصالح على حساب قلبك
متتبعة للموضوع, ولي عودة إن شاء الله