يا اختي ماكلاه تتسرعي
انا حدثلي نفس الموقف تقريبا قبل سنتين
التقيت باحدى النساء وعرضت علي الزواج من قريبها المغترب
وهذا الاخير متزوج من فرنسية عجوز يعني فارق سن نتاع 20 او 25 سنة بيناتهم
وقاتلي قريبتو ان السيد ناوي يتزوج بجزائرية باش يجيب الاولاد لاخاطر مرتو ماتقدرش تنجب
والفرنسية رايح يطلقها بعد عدة اشهر وماراهوش ناوي فيها
المرة الاولى استحسنت الفكرة ولاقات اعجاب اهلي وخاصة ان السيد مكون نفسو مليح وعندو سكن خاص في الخارج وسكن خاص في الجزائر
استخرت كثيرا ومن بعد سالت على طبيعة الزواج نتاعو قالولي مافيهش الفاتحة لانو في بلاد مش مسلمة
واكتشفت بلي الفرنسية اللي متزوج بيها ماعندو معاها حتى مشاكل ومتعلقة بيه بزاف وماشي بالساهل يتفارقو
زدت سالت على الصلاة وامور اخرى لقيت روحي مانقدرش
وفي الاخير رفضت
والحمد لله
لحد الان ماتخطبتش ولكن لعله خير
نبقى في دار بابا معززة مكرمة
احسن بكثير لوكان راني رحت للخارج ومن بعد رجعت نحمل معايا لقب مطلقة
المجتمع مايرحمش والمجتمع الغربي صعيب تعيشي فيه
لازملك تكوني مقاومة ولازم الزوج اللي تكوني معاه يكون
صالح
صالح
صالح
انا هذا رايي اللي خرجت بيه بعد مااستخرت
وانت ربي يوفقك للي فيها الخير ان شاء الله
( تقرير عن مشاركة سيئة )، و الموجودة أسفل كل مشاركة .
2014-06-20, 00:04
العرض الشجري