الخطوة الاولى...........لفتح ورشة خياطة

[ميمي مانو]

المشاركة الأصلية كتبت بواسطة بلقيس الميلية

السلام عليكم و ؤحمة الله و بركاته
مبادرة طيبة وموضوع هادف نتمنى الفائدة للجميع
لفتح ورشة للخياطة لازم دبلوم خاص بالخياطة سواء خياطة جاهزة أو خياطة تقليدية أو افرشة وستائر و الدبلوم سواء تكوني درست بمركز التكوين المهني او عن طريف غرفة الصناعات التقليدية و الحرف و هي موجودة في كل ولاية او عن طريق شهادة عمل مثلا ان تكوني اشتغلت عند خياطة لمدة معينة .
بعد ما تحصلي على الدبلوم ادا كنت ناوية على قرض من لونساج و السن مس بين 30 و 50 فهدا السن خاص بلكناك اما لونساج فابتداء من عشرين سنة تقدري تديري قرض
و ادا كنت حابة تفتحي من مالك الخاص بدون قرض فتوجهي الى غرفة الصناعات التقليدية و الحرف و اعملي بطاقة حرفي احسن من الرجيستر خصوصا ادا كان الدبلوم خاص بالالبسة التقليدية لان الضرائب قليلة فيه بالنظر الى النشاطات الاخري.
بالنسبة للماكنات انا عن نفسي عندي 2 سنجير للطرز و الخياطة و عندي 2 سنجير للخباطة فقط و عندي 2 طيوطا حجم صغير و ماكنة السرفلة جامسي ب 5 خيوط و المكوات طاولة كبيرة للفصالة و مؤخرا اشتريت ماكنة رقمية broder v3 و ما زالني مخدمتش بيها معنديش الرشامي و نحوس نتعلم.
بالنسبة لدبلوم عن طريق غرفة الصناعات التقليدية و الحرف اللي حابة اي استفسار تتصل بيا على طريق .....
و بالنسبة لوكالات القروض كاين ثلاثة / angem ansej cnac.
توكلوا على الله و ربي يوفقكم.

بخصوص بطاقة حرفي اذا استخرجتها وفتحت ورشة وانا حابة نخدم عند الدولة سواء ادماج ولا بوسط *بدبلوم جامعي*يكون مشكل هكذا ولا لا رجااااااء فهموني