ما الذي لا يعجبك بهذا المنتدى و بهذا القسم على وجه الخصوص

[مريم الصابرة]

السلام عليكم
المنتدى ككل فيه اناس كثيرون وعقليات مختلفة
اولا كل واحد حر في رأيو ثانيا اللي تقلق لما يجوي عضو دخل البارح ويقولك مواضيع فيه وفيهم واعضاء فيهم وفيهم إنت شكون اصلا حتى تعلق على أمور مش عارفها هذا اللي يقلق
فالقسم هذا الحمد لله مواضيع إجتماعية أي نعم كرهنا مواضيع عمل المرأة وغيرو لكن هذا هو المجتمع مواضيع ونقاشات وجدل وتفاهم إعتدنا الامر وصرنا نعرف بعضنا
المثالية في كل مكان حتى في حياتنا الواقعية
اشد ما يلفت إنتباهي لما يكتب عضو جديد موضوع نشجعوه ونشاركو عندو ونردو ولكن لما نكتبو حنا مواضيع يجي عضو جديد ما نعرفوهش اصلا ويقولك موضوع تافه ما نعرف شكون ضربو على يدو وقالو شارك عادي جدا ما عجبوش يخرج لانو هو حر في رأيو وصاحب المضوع حر يكتب واش يحب بما إنو ما راهش ينقص إحترام الغير
على كل كل واحد يلتزم حدو والإحترام يكون بين الجميع والتعود على فكرة هذا صرح للنقاش وهناك عقليات مختلفة
شكرا لك