رسالة من عانـــس إلى جميع الرجال...تزوجونا وارحمونا يا مسلمين !!؟

[ريان 7]

رحنا و جينا و مزال الموضوع قائم و يبدو انه لن يطوى .
الناس الصواريخ طلعوها الفضاء حوسوا فيه المستقبل صنعوه و نحن مازلنا نتخبط في تزوج علي و حاب نعاود الزواج و اقبلي يا امرأة و ....... العنوسة و عمل المراة و النقاش في قضايا دينية محسوم امرها شرعت و انتهى الامر . مافهمتش اذا راكم تقنعوا في بعض و لا واش بالضبط .
نقولكم موضوع شُرع و الرجل يتزوج حتى يكره و المراة ترفض حتى تكره
لي حاب يتزوج يروح الله يسهل عليه و لي ماشي حابة راجلها يتزوج عليها تهز على راسها و لا تقبل و تقفل فمها .
شكون نتوما حتى تتناقشو اصلا مجرد النقاش في الموضوع يجعله مدعاة للشك في الحكمة الالاهية .
و كامل علابالنا الراجل يتزوج يتزوج سواء للسبب الشرعي او لارضاء نزواته .
و يا اختي الكريمة اذا جا زوجك و قالك نتزوج اغسلي يديك و مدوخيش راسك معاه لانو قبلتي او رفضتي السيد قرر و الثانية في بالو و الامر حسم يعني قبولك و عدمه لا يمنعه من التفكير فيها و يبقى الحلال افضل من الحرام .
لكن اذا كنت اصلح منها رح تبقاي قرة عينه مهما اعاد الزواج .


و الصلاة و السلام على رسول الله