دجاجة محمرة فالكوكوط على طريقتي

[ام ضياءالدين]

السلام عليكم
جبتلكم طريقة تاع دجاج محمر فالكوكوط طريقة ساهلة وبنينة

تبعو طريقة التحضير

نضفي دجاحتك مليح

وجيبي سنينات ثوم وفلفل اسود وكمون اخضر وزنجبيل مرحي وملح

وحكي بيه دجاجة مليييييح من را ومن داخل

ذرك نجو للحشو كلواحد كيما يحب انا نحشيها بصوص حمرة عادي
حبة بصلة صغير مرابية حبة طماطم وطماطم مصبرة راس الحانوت فلفل اكل واحمر كمون ملح زعفران ورقة رند
وثوم وكمون اخضر وشوية زيت نخلط ونحشي بيهم الدجاجة ونغلقها انا نخيطها ومبعد نربطوها ونجيبو كوكوط تعنا نحطو فيها قيس كاس تاي زيت اوكثر شوية ونخلوه يسخن
ونحطو الدجاجة على جيهت السدر قبل ننسا خليو شوية برك من الصوص ادهنو بيه الدجاجة من براونغلقو الكوكوط ومنديروش الصفارة ونقصو النار نشعلو الطابونة فالوسط بر ك ونقصولها خلاص ونخلوها مدة نص ساعة ونطلو عليها ونقلبوها كل مرة باش تتحمر من كل جيهة



درتها مع الرزو بالخضر مقلية



وسلاطة