يعطيكم الصحة راني وليت لوكان منشوفش واش طيبتو كل يوم منقدرش نفوت نهاري نحب نشوفكم ونطبق عليكم
شكرا لك اختي دائمة الحمد و parfumdor1 باين عجبكم الروز انا نحب الروز ونحب النوع فيه كاينا طريقة اخرى نديرها جميع لي كلاو الروز عندي عجبهم وقالولي اعطيلنا الوصفة قلت منبخلكمش بيها
اول حاجة نديرو درسة نتاع الحوت ونحطوها بجيها الدرسة هي ثوم وكمون وفلفل اسود وفلفل احمر غبرة حار او حلو شوي طماطم الحب وشوي نتاع الباط ودبشة مقطعة
نغليو الروز المفور انا نستعملو دائما
نحضر صوص بيضاء بالدجاج حتان تخثار تبقى شوي لصوص
نفور شوي جيلبانة وزرودية مقطة مربعات ونقليهم في الزبدة
نقلي البطاطا مربعات شدي طراف الدجاج كي يطبو خلطيهم بالدرسة نتاع الحوت والباقي الدرسة حطيها في الروز وزيدي حطي معاه الجلبانة و الزرودية والبطاطا المقلية ولصوص البيضاء ديريهم في بلا ومن فوق حطي الدجاج ودخلهم للفلرن يتحمرو كي يطبو اسكرفجي فوقهم بيض مشرشم وفرماج رابي اوقطعي فوقهم فرماج عادي جربوه والله ماتندمو
اسمحولي طولت عليكم متنساوش دعوة خير من عندكم بزايد عليا
( تقرير عن مشاركة سيئة )، و الموجودة أسفل كل مشاركة .
2014-04-16, 22:00
العرض الشجري